Deputatlik so‘rovi yuborildi

Hududlarda olib borilgan o‘rganishlar davomida Uchqizil MFY, Bog‘zor ko‘chasida joylashgan transformator qurilmasining ochiq va xavfsizlik talablari to‘liq ta’minlanmagan holatda ekani aniqlandi.

Mazkur holat, ayniqsa, transformator atrofida aholi va bolalar harakatlanishini hisobga olganda, insonlar xavfsizligi uchun xavf tug‘dirishi mumkin.

Shu munosabat bilan mas’ul tashkilotlarga deputatlik so‘rovi yuborildi.

So‘rovda:
🔹 transformatorning texnik va xavfsizlik holatini joyiga chiqqan holda o‘rganish;
🔹 transformator atrofini tegishli himoya vositalari bilan jihozlash;
🔹 elektr qurilmasini xavfsizlik talablariga muvofiq to‘siq bilan o‘rash;
🔹 aholining, ayniqsa bolalarning transformatorga yaqinlashishining oldini olish bo‘yicha amaliy choralar ko‘rish so‘raldi.

Shuningdek, ko‘rilgan choralar va amalga oshirilgan ishlar to‘g‘risida belgilangan tartibda yozma ma’lumot taqdim etish so‘raldi.

📌 Aholi xavfsizligi va hududlarda aniqlangan muammolarni bartaraf etish bo‘yicha ishlar davom ettiriladi.