Yunusobod tumani hokimligi hamda tuman Xalq qabulxonasi hamkorligida fuqarolar uchun qabul tashkil etildi. Mazkur qabulda Yunusobod tumani Xalq deputatlari Kengashi deputati, tuman hokimi Abrorxo‘ja Saidaliyev, hokim o‘rinbosarlari, tegishli korxona va tashkilotlar rahbarlari hamda mahalla faollari ishtirok etishdi.

🖋 Qabul davomida 30 ga yaqin fuqarolarning turli sohalardagi muammolari va takliflari tinglandi. Murojaatlarning asosiy qismi quyidagi masalalarga qaratildi:

🫥 Kommunal soha: Elektr energiyasi, isitish tizimi, ichimlik suvi va kanalizatsiya masalalari.

🫥 Ijtimoiy himoya: Kam ta’minlangan oilalar uchun imtiyozlar, moddiy yordam va subsidiyalar ajratish.

🫥 Iqtisodiy imkoniyatlar: Ishga joylashtirish, imtiyozli kreditlar va tadbirkorlikni boshlash uchun ko‘mak.

🫥 Huquqiy va maishiy masallar: Uy-joy ta’miri, hujjatlashtirish va mulk huquqiga oid arizalar.

✅ Tuman hokimi har bir fuqaro murojaatini atroflicha o‘rganib, mas’ul mutasaddilarga qonun doirasida hal etish bo‘yicha tegishli topshiriq va ko‘rsatmalarini berdi hamda barcha masalalarning ijrosini shaxsan nazoratiga oldi.