#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️AHOLI BANDLIGINI TA’MINLASH VA BARQAROR DAROMAD MANBALARINI YARATISH — DEPUTAT E’TIBORIDA

🏛 Oliy Majlis Senatining joriy yil 22-sentabrdagi 22-06/3823-sonli ko‘rsatma xatiga muvofiq, Xalq deputatlari Toshkent shahar Kengashi deputati Sevara Fayziyeva Mirobod tumanidagi “Yuksalish” mahallasida aholi bandligini ta’minlash va kambag‘allikni qisqartirish borasida amalga oshirilayotgan ishlarni o‘rgandi.

🔺 O‘rganish jarayonida asosiy e’tibor mahalladagi band bo‘lmagan fuqarolar uchun yangi ish o‘rinlarini tashkil etish, ularni doimiy va barqaror daromad manbalari bilan ta’minlash, tadbirkorlik hamda kasb-hunarga yo‘naltirish masalalariga qaratildi. Shu bilan birga, kambag‘allikni qisqartirish yo‘nalishida amalga oshirilayotgan ishlar ham tahlil qilindi.

📋 Mazkur jarayonda mahalliy Kengash deputati faoliyatining eng muhim yo‘nalishlaridan kelib chiqib, aholi bandligi, hokim yordamchisi tomonidan kambag‘allikni qisqartirish borasida olib borilayotgan ishlar, xotin-qizlarni qo‘llab-quvvatlash hamda yoshlar bandligini ta’minlash masalalariga alohida e’tibor qaratildi.

🔎 Sevara Fayziyeva tomonidan mavjud muammolarni aniqlash, bandlikka muhtoj fuqarolar bilan manzilli ishlash hamda ularni kasb-hunar va tadbirkorlikka yo‘naltirish orqali daromad manbalariga ega bo‘lish imkoniyatlarini kengaytirish masalalari muhokama qilindi.

📉 Shuningdek, aniqlangan masalalarni bartaraf etishda tegishli tashkilotlar bilan hamkorlikni kuchaytirish, amalga oshirilayotgan ishlarning natijadorligini oshirish hamda mazkur yo‘nalishda deputatlik nazoratini yo‘lga qo‘yish zarurligiga alohida e’tibor qaratildi.

✅ O‘rganishdan ko‘zlangan asosiy maqsad — fuqarolarning bandligini ta’minlash, ularni barqaror daromad manbalariga yo‘naltirish, kambag‘allikni qisqartirish va mahalladagi mavjud imkoniyatlardan samarali foydalanish orqali aholi farovonligini oshirishga ko‘maklashishdan iborat.

📱 Telegram 📱 Instagram 📱 Facebook 📱 YouTube 🔎 E-kengash