Xalq deputatlari Qorao‘zak tumani Kengashi

Yangiliklar

So‘ngi yangiliklar

Xalıq deputatları Qaraózek rayonlıq Keńesi deputatları R.Karmisova hám A.Kelimbetova, sekretariat bas qánigesi M.Atajanovlar hám rayonlıq qurılıs hám úy-jay kommunal xojalıǵı bólimi wákilleri menen Esim mákan puqaralar jıyını aymaǵında saylawshılar menen ushırasıwda bildirilgen múrajattıń orınlanıwı úyrenildi.

Bunnan soń deputatlar aymaǵtaǵı kóshelerge elektr energiyasınıń baǵanaları hám kabellerin jańasına almastırıw baǵdarında ámelge asırılıp atırılǵan jumıslar menen tanıstı.

Búgin Qaraózek rayonında Ózbekstan Respublikası Prezidentiniń 2026-jıl 5-fevraldaǵı «2026-jılda aymaqlardı rawajlandırıw arqalı xalıqtıń dáramatın arttırıw, turaqlı jumıs orınların jaratıw hámde kámbaǵallıqtı qısqartıw ilajları haqqında» ǵı PQ-49-sanlı qararınıń orınlanıwı boyınsha Xalıq deputatları Qaraózek rayonlıq Keńes deputatları, tiyisli taraw basshıları hám ǵalaba xabar quralları wákilleriniń qatnasıwında media tur ótkerildi.Media-tur dawamında, qatnasıwshılar Prezident qararı tiykarında zamanagóy tigiw mashınasın alıp, jeke isbilermenligin baslaǵan Gúljáhán Nurımbetova hám qız-kelinshekler kiyimi hám milliy kiyimler tigiwdi jolǵa qoyǵan Gulnaz Allashovalardıń jumıs procesi menen keńnen tanıstı.

Xalıq deputatları Qaraózek rayonlıq Keńesindegi Xalıq demokratiyalıq partiyası deputatlıq toparı hám pratiya rayonlıq Keńesi tárepinen ámelge asırılp atırılǵan jumıslar boyınsha partiya belsendilerine esabat berildi.

Xalıq deputatları Qaraózek rayonlıq Keńesi 6-sanlı M.Balmaǵanbetov saylaw okrugi deputatı, rayon hákimi A. Baymuratovtıń jaslar menen ushırasıwı bolıp ótti. Ushırasıwǵa Xalıq deputatları Qaraózek rayonlıq Keńesi janında shólkemlestirilgen jaslar másláhát toparı aǵzaları qatnastı. Ushırasıw dawamında jaslardıń bilim alıwı, kásip-óner iyelewi hám olardıń keleshektegi jumısın qollap-quwatlaw baǵdarında ámelge asırılıp atırǵan reformalar haqqında sóz etti. Sóylesiw dawamında, jaslar ózlerin qızıqtırǵan sorawları menen qatnasıp keleshektegi rejeleri boyınsha pikir, usınısların bildirdi.

Bunnan soń deputat A.Kelimbetov, sekretariat bas qánigesi M.Atajanovhám máhálle wákilleri menen birgelikte aymaq turǵınları menen ushırastı. Deputat A.Kelimbetova tárepinen aymaqtı social-ekonomikalıq rawajlandırıw baǵdarında belgilengen wazıypalar, orınlanıw barısı hám jańadan qabıl etilgen nızam hám pármanlardıń mazmunı hám Keńesi sessiyasi sheshimi menen tastıyıqlanǵan awır máhállelerde ámelge asırılatuǵın ilajlar baǵdarlaması, sonday-aq, basqada áhmiyetli nızamshılıq tiykarları tanıstırıldı. Saylawshılar menen bir qatar turmıslıq máselelerde pikir alısılıp, usınıs, múrájatları tıńlandı.

Xalıq deputatları Qaraózek rayonlıq Keńesi deputatları R.Karmisova hám A.Kelimbetova, sekretariat bas qánigesi M.Atajanovlar Qutlı mákan mákan puqaralar jıyını hám rayonlıq qurılıs hám úy-jay kommunal xojalıǵı bólimi wákilleri menen Ózbekstan Respublikası Prezidentiniń 2026-jıl 5-fevral kúngi PQ-48-sanlı qararı tiykarında aymaqtaǵı kóp qabatlı turaq jaylarda ámelge asırılǵan qurılıs ońlaw jumısları n úyrendi.

Xalıq deputatları Qaraózek rayonlıq Keńesi 12-Qarakól saylaw okrugi deputatı A.Kelimbetova hám sekretariat bas qánigesi M.Atajanovlar "Ak.S.Kamalov " awıl puqaralar jıyını wákilleri menen ushırasıw ótkerdi. Ushırasıwda deputatlar menen máhálle wákilleriniń birge islesiwin elede janlandırıw hám " aymaqtı social ekonomikalıq rawajlandırıw baǵdarında ámelge asırılıw tiyis wazıypalar dodalanıdı.

Xalıq deputatları Qaraózek rayonlıq Keńesi 6-sanlı M.Balmaǵanbetov saylaw okrugi deputatı, rayon hákimi A. Baymuratovtıń Jańa Qaraózek PPJda qabıllawı ótkerildi. Qabıllaw dawamında puqaralardı qıynap kiyatırǵan túrli máselelerdegi múrájatların tıńlap, hár bir murájattı taraw wákilleri menen úyrenip shıqtı.

Xalıq deputatları Qaraózek rayonlıq Keńesi 18-Oy kól okrugi deputatı S.Mırzaev (ÓzMTDP) Qaraózek awıl puqaralar jıyını wákilleri menen birgelikte aymaq turǵınları menen ushırastı. Ushırasıwda deputat tárepinen aymaqtı social-ekonomikalıq rawajlandırıw baǵdarında belgilengen wazıypalar, orınlanıw barısı hám jańadan qabıl etilgen nızam hám pármanlardıń mazmunı haqqında maǵlıwmat berdi. Kelip túsken bir qatar múrájat, mashqalalar deputatlıq qadaǵalawǵa alınıp, máhálle menen islesiw boyınsha aldaǵı wazıypalar belgilendi.

Imkaniyatlar esigi ashılmaqta: Qaraqalpaqstannıń jańa rawajlanıw baǵdarları

Kelesi jılı Qaraqalpaqstanǵa 5 milliard dollar investiciya alıp keliw wazıypasınıń qoyılǵanı jańa óndiris quwatlıqların iske qosıw, isbilermenlikti keńeytiw hám jańa jumıs orınların jaratıw ushın úlken imkaniyat bolıp esaplanadı.

Xalıq ushın da áhmiyetli infrastruktura joybarları ámelge asırıladı. Tashkent-Nókis tezjúrer poezdı qatnawınıń jolǵa qoyılıwı menen sapar waqtı 16 saattan 7 saatqa shekem qısqaradı.

Qońırattan Moynaqqa 100 kilometr ishimlik suw tarmaǵınıń tartılıwı hám "Túyemoyın" suw tazalaw imaratınıń rekonstrukciyalanıwı suw támiynatın jaqsılawǵa xızmet etedi.

Isbilermenler ushın 300 milliard swmlıq kredit liniyasınıń 12 procentke shekem tómenletilgen stavkada beriliwi, jeke menshik baqsha shólkemlestiretuǵın isbilermenlerge 15 jıl múddetke 7 procentlik kredit beriliwi biznesti rawajlandırıw ushın anıq finanslıq sharayat jaratadı.

Medicina tarawında Universitet medicinalıq klasteriniń shólkemlestiriliwi bolsa Balalar klinikası, Onkologiya orayı, Medicina akademiyası hám kóp tarmaqlı emlewxananı birden-bir sistemaǵa birlestirip, xalıqqa zamanagóy medicinalıq xızmetlerden paydalanıw imkaniyatların keńeytedi.

Bilimlendiriw hám jaslar ushın xalıqaralıq standarttaǵı kásiplik tayarlaw imkaniyatları keńeymekte. Nókistegi 1-sanlı texnikumda "Pearson BTEC" baǵdarlaması tiykarında bilimlendiriw jolǵa qoyılǵan bolıp, pitkeriwshilerge 70 mámlekette tán alınatuǵın sertifikat beriledi. Jańa jıldan bul tájiriybe Ámiwdárya, Beruniy, Shımbay hám Qońırattaǵı texnikumlarda da engiziledi.

"Jasıl" energetikanı rawajlandırıw hám karbon kreditlerinen túsetuǵın qarjılardıń Qaraqalpaqstannıń ózinde qalıwı aymaqtıń jańa dáramat dereklerin qáliplestiriwge xızmet etedi.

Sonday-aq, Berdaq Ǵarǵabay ulı tuwılǵanınıń 200 jıllıǵın mámleket kóleminde belgilew boyınsha belgilengen wazıypalar ullı babamızdıń ilimiy-dóretiwshilik miyrasın keńnen úgit-násiyatlaw ushın áhmiyetli imkaniyat jaratadı.

Deputat sıpatında aytıp ótpekshimen, sapar dawamında belgilengen wazıypalardıń eń tiykarǵı tárepi — imkaniyatlardıń anıq finanslıq mexanizmler, infrastruktura joybarları hám jańa jumıs orınları menen baylanısqanlıǵı bolıp esaplanadı. Endigi wazıypa bul imkaniyatlardı hár bir máhállege jetkeriw, xalıqtıń olardan ámelde paydalanıwın támiyinlewden ibarat.

Xalıq deputataları Shomanay rayonlıq Keńesi deputatı Azamat Qutlımuratov