Xalq deputatlari Yangiobod tuman Kengashi Kotibiyati mudiri, deputat V. Xasanov tomonidan 11-sonli umumiy o‘rta ta’lim maktabida o‘quvchilar o‘rtasida huquqbuzarliklarning oldini olish, yoshlarning huquqiy savodxonligini oshirish va sog‘lom ma’naviy muhitni shakllantirishga qaratilgan profilaktika tadbirini tashkil etish masalalariga e’tibor qaratildi.

Tayyorgarlik jarayonida tadbirning mazmun-mohiyati, o‘quvchilar bilan olib boriladigan targ‘ibot-tushuntirish ishlari, profilaktik suhbatlarni tashkil etish hamda yoshlar o‘rtasida turli salbiy holatlarning oldini olish bo‘yicha ko‘riladigan choralar muhokama qilindi.

Shuningdek, maktab ma’muriyati, profilaktika inspektori va mas’ullar hamkorligini kuchaytirish, o‘quvchilarning muammolarini erta aniqlash, ularning bo‘sh vaqtini mazmunli tashkil etish hamda zarur hollarda individual profilaktik ishlarni olib borish masalalari yuzasidan fikr almashildi.

Tadbirni mazmunli va ta’sirchan tashkil etish, o‘quvchilarni faol muloqotga jalb qilish hamda profilaktika ishlarini amaliy natijaga yo‘naltirish bo‘yicha tegishli vazifalar belgilandi.