🏛 Xalq deputatlari Shovot tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.
📌 Yig‘ilishda Shovot tumani 2026-yil mahalliy budjetining maqbullashtirilgan mablag‘lari hisobidan budjet tashkilotlari va budjetdan mablag‘ oluvchilarga mablag‘larni yo‘naltirish masalasi ko‘rib chiqildi.
⚖️ O‘zbekiston Respublikasi Budjet kodeksining 120-moddasi 4-qismi hamda 126-moddasiga asosan, budjet tashkilotlari va budjetdan mablag‘ oluvchilarning maqbullashtirilgan mablag‘larini ish haqi hamda ijtimoiy soliq to‘lovlarining yetishmagan qismini qoplash uchun yo‘naltirish bo‘yicha taklif muhokama qilindi.
💰 Shovot tumani Iqtisodiyot va moliya bo‘limi boshlig‘ining birinchi o‘rinbosari D. Abdullayev tomonidan jami 1 milliard 235 million 600 ming so‘m mablag‘ni yo‘naltirish taklifi bildirildi.
📋 Mablag‘larni quyidagi tashkilotlarga yo‘naltirish nazarda tutilgan:
1️⃣ Shovot tumani hokimligi — 153,21 mln so‘m;
2️⃣ Shovot tumani hokim yordamchilari — 120,63 mln so‘m;
3️⃣ Shovot tumani hokimligining yoshlar bo‘limi — 105,06 mln so‘m;
4️⃣ Shovot tumani hokimligining Oila va xotin-qizlar bo‘limi — 112,5 mln so‘m;
5️⃣ Shovot tumani 1-son sport maktabi — 338,6 mln so‘m;
6️⃣ Shovot tumani maktabgacha va maktab ta’limi bo‘limi — 405,6 mln so‘m.
💵 Jami: 1 235,6 mln so‘m.
📌 Mazkur mablag‘lar tashkilotlarda ish haqi bo‘yicha yuzaga kelgan yetishmovchilikni qoplash uchun yo‘naltirilishi ko‘zda tutilgan.
📝 Doimiy komissiya tomonidan mazkur taklifni ko‘rib chiqish va tasdiqlash uchun Xalq deputatlari Shovot tumani Kengashining navbatdagi sessiyasi kun tartibiga kiritish taklif etildi.
🤝 Yig‘ilishda budjet mablag‘laridan maqsadli va samarali foydalanish masalalariga alohida e’tibor qaratildi.