TOMORQA YERLARIDAN SAMARALI FOYDALANISH HOLATI DEPUTATLAR NAZORATIDA
Xalq deputatlari Pastdarg‘om tumani Kengashi agrar, suv xo'jaligi va ekologik masalalri bo'yicha doimiy komissiyasi tomonidan mahallalarda dehqon xo‘jaliklari va tomorqa yer uchastkalaridan samarali foydalanish holati o‘rganilmoqda.
🌱 O‘rganishlar davomida O‘zbekiston Respublikasi Vazirlar Mahkamasining 2018-yil 18-martdagi 205-son qarori bilan tasdiqlangan tegishli Nizom talablari asosida quyidagi masalalarga e’tibor qaratilmoqda:
🔹 xonadonlardagi tomorqa yer maydonlari va ulardan maqsadli foydalanish holati;
🔹 ekinlarning hududning tuproq-iqlim sharoitiga mos joylashtirilishi;
🔹 ertaki, o‘rtaki va to‘qsonbosti ekinlarini ekish holati;
🔹 issiqxonalar tashkil etilishi va ulardan samarali foydalanish;
🔹 chorva mollari va parrandalar soni hamda ularni ko‘paytirish imkoniyatlari;
🔹 urug‘lik, ko‘chat, mineral o‘g‘it va o‘simliklarni himoya qilish vositalari bilan ta’minlanganlik;
🔹 tomorqalarni sug‘orish va agrotexnik xizmatlar ko‘rsatish holati;
🔹 yetishtirilgan qishloq xo‘jaligi mahsulotlarini sotish va xaridorlar bilan hamkorlik qilish imkoniyatlari;
🔹 tomorqa xo‘jaligi orqali aholi daromadlarini oshirish va bandligini ta’minlash masalalari.
👥 Shuningdek, deputatlar tomonidan hokim yordamchilari, mahalla mas’ullari va tegishli tashkilotlar bilan hamkorlikda xonadonma-xonadon o‘rganishlar olib borilib, aniqlangan muammolar, ularning mas’ullari va bartaraf etish muddatlari belgilab olinmoqda.
📊 O‘rganish yakunlari bo‘yicha tomorqa yerlaridan samarali foydalanish, mavjud muammolarni bartaraf etish hamda aholining qo‘shimcha daromad manbalarini kengaytirishga qaratilgan takliflar shakllantiriladi.
📌 Deputatlik nazorati — muammoni aniqlash, mas’ulni belgilash va ijroni nazorat qilishga qaratilgan. 🇺🇿Rasmiy sahifalarimiz!