Xalq deputatlari Chinoz tumani Kengashiga 18-Sutbuloq saylov okrugidan saylangan deputat Abduvohid Turdiboyev tomonidan 2026-yil 18-sentabr kuni “Birlik” mahallasida tashkil etilgan “Birlik mahalla servis” kompaniyasi faoliyati o‘rganildi.
📌 Mazkur kompaniya O‘zbekiston Respublikasi Prezidentining 2024-yil 25-iyundagi “Mahallalarni obodonlashtirish, ko‘kalamzorlashtirish va qiyofasini tubdan yaxshilashga doir qo‘shimcha chora-tadbirlar to‘g‘risida”gi PQ-234-son qarori asosida tashkil etilgan.
🌿 O‘rganish davomida kompaniyaning mahalla hududini obodonlashtirish va ko‘kalamzorlashtirish, ariqlar va sug‘orish tizimlarini tozalash, ko‘chalar tozaligini ta’minlash, ko‘chatlarni ekish va parvarishlash borasidagi faoliyatiga alohida e’tibor qaratildi.
🏢 Shuningdek, shartnoma asosida ijtimoiy soha obyektlarida obodonlashtirish va kommunal-ekspluatatsiya xizmatlarini ko‘rsatish, chiqindilarni yig‘ish va saralash hamda ularni belgilangan tartibda olib chiqib ketishni tashkil etish ishlari ko‘rib chiqildi.
🤝 Mahalla aholisi ehtiyojlaridan kelib chiqib, ijtimoiy ahamiyatga ega pulli xizmatlarni yo‘lga qo‘yish orqali aholiga qulaylik yaratish, hududning sanitariya-obodonlashtirish holatini yanada yaxshilash masalalari ham muhokama qilindi.
✅ O‘rganish yakunida “Birlik mahalla servis” kompaniyasi faoliyatini samarali tashkil etish, mahalla hududida obodonlashtirish va ko‘kalamzorlashtirish ishlarini izchil davom ettirish hamda aholiga ko‘rsatilayotgan xizmatlar sifatini oshirish bo‘yicha tegishli vazifalar belgilandi.

🇺🇿 Xalq deputatlari Chinoz tumani Kengashi