Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat, tuman hokimi J.Axmedov tumanning markazida barpo etilayotgan “Bog‘i Eram” istirohat bog‘ida amalga oshirilayotgan qurilish va obodonlashtirish ishlarini o‘rgandi.

🟢O‘rganish davomida obyektda qurilish ishlarining yakuniy bosqichi olib borilayotgani, hududni zamonaviy va qulay dam olish maskaniga aylantirish bo‘yicha bir qator ishlar amalga oshirilayotgani ko‘zdan kechirildi. Xususan, bog‘ hududida aholi va tashrif buyuruvchilar uchun qulay harakatlanish imkoniyatini yaratish maqsadida piyodalar yo‘laklariga bruschatka yotqizish ishlari davom ettirilmoqda. Yo‘laklarni sifatli barpo etish, ularning tekisligi va piyodalar uchun xavfsizligini ta’minlashga alohida e’tibor qaratildi.

🟢Shuningdek, bog‘ hududidagi ayrim obyekt va inshootlarda bo‘yoqlash ishlari olib borilib, hududning tashqi ko‘rinishi va obodligi yaxshilanmoqda. Bog‘ni ko‘kalamzorlashtirish ishlari ham davom ettirilib, yashil hududlarni kengaytirish va tashrif buyuruvchilar uchun yanada xushmanzara muhit yaratishga e’tibor qaratilmoqda. Aholining dam olishi uchun o‘rindiqlar o‘rnatish ishlari ham amalga oshirilmoqda.

🟢Deputat tomonidan qurilish ishlarini belgilangan talablar asosida sifatli yakunlash, piyodalar yo‘laklarining qulayligi va xavfsizligini ta’minlash, obodonlashtirish va ko‘kalamzorlashtirish ishlarini yakuniga yetkazish bo‘yicha mas’ullarga tegishli tavsiyalar berildi.