#Deputatlik_faoliyati #deputat_qabuli #haftalik_ish_reja_ijrosi #mahalla

AHOLI BANDLIGI VA DAROMADLARINI OSHIRISH — DEPUTATLIK NAZORATIDA

🕯 Uchtepa tumanida aholi bandligini ta’minlash, fuqarolarning daromadlarini oshirish hamda kambag‘allikni qisqartirishga qaratilgan ishlar mahallabay va manzilli yondashuv asosida izchil davom ettirilmoqda.

👍 Shu maqsadda Xalq deputatlari Uchtepa tumani Kengashi deputati Sanjar Djalolov hamda Uchtepa tumani hokimining birinchi o‘rinbosari Azizbek Azimov tomonidan Paxtakor mahallasi aholisi bilan ochiq muloqot tashkil etildi.

🗣 Uchrashuv davomida fuqarolarning bandligini ta’minlash, ishsiz aholini doimiy va mavsumiy ish o‘rinlariga yo‘naltirish, oilalarning daromad manbalarini kengaytirish hamda tadbirkorlik tashabbuslarini qo‘llab-quvvatlash masalalari atroflicha muhokama qilindi.

📈 Deputatlik nuqtayi nazaridan asosiy e’tibor — mavjud imkoniyatlarni sanab o‘tish emas, balki ularning fuqarolar uchun amaliy natijaga aylanishini ta’minlashga qaratildi.

📁 Shu bois muloqot davomida ishsiz fuqarolarni aniqlash va ularni munosib ish o‘rinlariga yo‘naltirish, daromad topish imkoniyatiga ega oilalarni qo‘llab-quvvatlash, tadbirkorlik faoliyatini boshlash istagidagi fuqarolarga mavjud imkoniyat va imtiyozlar haqida tushuntirish berish, har bir xonadonning muammosini alohida o‘rganish, aniqlangan masalalarni tegishli mutasaddilar bilan hamkorlikda hal etish hamda ularning ijrosini nazorat qilish bo‘yicha tegishli vazifalar belgilandi.

🧠 Aholi bilan bunday bevosita muloqotlar deputatlik faoliyatining ham muhim yo‘nalishlaridan biri bo‘lib, joylardagi real muammolarni aniqlash, fuqarolar manfaatlarini himoya qilish va ularni amaliy yechimga yo‘naltirish imkonini beradi.

🤝 Eng muhimi, har bir murojaat ortida inson, har bir xonadon ortida esa oila taqdiri bor. Shu sababli bandlik va daromad masalalariga faqat statistik ko‘rsatkich sifatida emas, balki har bir oilaning farovonligi bilan bog‘liq muhim masala sifatida yondashilmoqda.

📈 Maqsad aniq - har bir xonadonda daromad manbai, har bir mehnatga layoqatli fuqaro uchun munosib bandlik imkoniyati va har bir oila uchun barqaror farovonlikni ta’minlash.