Xalq deputatlari Toyloq tuman Kengashi deputati Komil Oripov va mahalla ijtimoiy xodimi 19-O‘rtaqishloq hamda Fayziobod mahallalarida bo‘lib, aholi xonadonlaridagi ijtimoiy holat va mavjud muammolarni o‘rgandi.

✔️O‘rganishlar davomida fuqarolarning yashash sharoiti, bandligi, daromad manbalari bilan bir qatorda, mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlarning sifati, kam ta’minlangan oilalarga ijtimoiy nafaqalar va moddiy yordam tayinlanishi hamda to‘lanishi holati ham ko‘rib chiqildi.

✔️Aniqlangan muammolarni bartaraf etish, aholini ish bilan ta’minlash, oilaviy daromadlarini oshirish va tadbirkorlik tashabbuslarini qo‘llab-quvvatlash yuzasidan tegishli tavsiya va takliflar berilib, masalalarni hal etish bo‘yicha mas’ullarga vazifalar belgilandi.