Yurtimiz mustaqilligining 35 yilligi shodyonalari arafasida el-yurt ravnaqi va xalqimiz farovonligiga munosib hissa qo‘shib kelayotgan fidoyi yurtdoshlarimiz davlatimizning yuksak mukofotlariga sazovor bo‘lmoqda.

Quvonchlisiki, O‘zbekiston Respublikasi Prezidenti Shavkat Miromonovich Mirziyoyevning tegishli Farmoniga ko‘ra, Xalq deputatlari Olmaliq shahar Kengashining yana 3 nafar faol deputati — Abdumajid Shodiyev, Muhiddin Abdullayev hamda Barxayot Meliyevlar ham “O‘zbekiston Respublikasi Mustaqilligining 35 yilligi” esdalik nishoni bilan taqdirlandilar.

Ushbu sovrin — deputatlarimizning Olmaliq shahrini har tomonlama rivojlantirish, mahalla va hududlarda xalq bilan yaqin muloqot o‘rnatish, fuqarolarning muammolarini hal etish hamda Yangi O‘zbekiston ravnaqi yo‘lidagi tinimsiz mehnatlariga berilgan yuksak bahodir.

Xalq deputatlari shahar Kengashi jamoasi nomidan xalq vakillarini ushbu qutlug‘ mukofot bilan tabriklaymiz!
Sizlarga mustahkam sog‘lik, oilaviy xotirjamlik va el-yurt ishonchini oqlash yo‘lidagi mas’uliyatli faoliyatingizda yangidan-yangi zafarlar tilaymiz!