Olmaliq shahar "Oltin" mahallasi hududidagi markaziy va ichki ko‘chalarning bugungi holati Xalq deputati Sayfiddin Subanov tomonidan joyiga chiqqan holda atroflicha o‘rganildi.

Ushbu amaliy muloqot va ko‘rik jarayonida mahalla faollari hamda nuroniylar ham faol ishtirok etishdi. O‘rganishlar davomida asosan quyidagi muhim masalalarga alohida e’tibor qaratildi:
🚦 Yo‘l harakati xavfsizligi: Aholi, ayniqsa, keksalar va maktab o‘quvchilarining erkin va xavfsiz harakatlanishini ta’minlash;
🚗 Transport serqatnov yo‘llari: Transport oqimi yuqori bo‘lgan ko‘chalarda yo‘l belgilari, piyodalar o‘tish joylari va yo‘l qoplamalarining holatini ko‘zdan kechirish.
Ko‘rik davomida aniqlangan barcha kamchilik, muammo va hudud aholisi tomonidan bildirilgan takliflar deputatning "Ko‘chama-ko‘cha aylanish jurnali"ga birma-bir qayd etildi.

📌 Xulosa va ijro: Mavjud muammolar shunchaki qog‘ozda qolib ketmaydi. Ular bo‘yicha tegishli mutasaddi tashkilot va idoralarga deputatlik so‘rovlari yuborilib, ijro jarayoni deputat tomonidan shaxsiy nazoratga olindi.