Xalq deputatlari Olmaliq shahar Kengashi navbatdagi sessiyasiga puxta hozirlik ko'rmoqda. Kun tartibidan o'rin olgan muhim masalalardan biri — shahar Maktabgacha va maktab ta'limi bo'limi mudirining hisoboti eshitilishi rejalashtirilgan.
Ushbu hisobot yuzasidan haqiqiy holatni o'rganish va aholi fikrini inobatga olish maqsadida "Chambil" mahallasida hudud deputati Faxriddin Matasimov hamda Kengash Kotibiyati mudiri Sevar Qodirova boshchiligida saylovchilar bilan ochiq muloqot o'tkazildi.

Aholi fikri va takliflari: Hududda joylashgan maktab va maktabgacha ta'lim muassasalarining bugungi holati, ta'lim-tarbiya sifati yuzasidan fuqarolarning murojaatlari va takliflari tinglandi.
Muammolar va kamchiliklar: Ta'lim maskanlaridagi moddiy-texnik baza, infratuzilma va sharoitlar bilan bog'liq mavjud kamchiliklar xalq ichida ochiq-oydin muhokama qilindi.
Natijadorlik: Saylovchilar tomonidan bildirilgan barcha e'tiroz va muammolar umumlashtirilib, xulosa shakliga keltirildi hamda Kengashning ijtimoiy soha masalalari bo'yicha doimiy komissiyasiga taqdim etildi.

O'rganish natijalari shahar Kengashining navbatdagi sessiyasida bo'lim mudirining hisoboti tinglanayotganda atroflichta tahlil qilinib, tegishli qarorlar qabul qilinishiga xizmat qiladi.