Xalq deputatlari Uchquduq tuman Kengashi kotibiyati mudiri M.Kamolova hamda “Adolat” SDP Uchquduq tuman Kengashi bilan hamkorlikda tuman Maktabgacha va maktab ta’limi bo‘limiga qarashli 2-sonli maktabgacha ta’lim tashkilotida O‘zbekiston Respublikasining “Maktabgacha ta’lim va tarbiya to‘g‘risida”gi O‘RQ-595-son Qonuni ijrosi o‘rganildi. 🇺🇿

🔎 O‘rganish davomida maktabgacha ta’lim tashkilotida bolalarga sifatli ta’lim-tarbiya berish uchun yaratilgan shart-sharoitlar, ta’lim-tarbiya jarayonining qonunchilik talablariga muvofiqligi, tarbiyalanuvchilarning xavfsizligi hamda ularning har tomonlama rivojlanishi uchun amalga oshirilayotgan ishlar ko‘zdan kechirildi.

👩‍🏫 Shuningdek, pedagog xodimlarning faoliyati, tarbiyalanuvchilar bilan olib borilayotgan mashg‘ulotlar, kun tartibining to‘g‘ri tashkil etilishi va ta’lim-tarbiya jarayonida zamonaviy yondashuvlardan foydalanish holatiga alohida e’tibor qaratildi.

🧒 Maktabgacha ta’lim — bolaning kelajakdagi rivoji uchun muhim poydevor. Shu bois ushbu sohada qonun hujjatlarining ijrosini ta’minlash, ta’lim sifati va tarbiya samaradorligini oshirish, bolalar uchun munosib sharoitlar yaratish muhim vazifalardan biridir.

📋 O‘rganish yakunlari bo‘yicha aniqlangan masalalar yuzasidan tegishli tavsiya va takliflar bildirilib, mavjud kamchiliklarni bartaraf etish hamda qonun talablarining to‘liq bajarilishini ta’minlash bo‘yicha mas’ullarga tegishli ko‘rsatmalar berildi.

🤝 Bunday o‘rganishlar maktabgacha ta’lim tizimida qonuniylikni mustahkamlash, mavjud muammolarni aniqlash va ularni bartaraf etish, eng muhimi, bolalar manfaatlarini ta’minlashga xizmat qiladi.

🇺🇿 Qonun ustuvorligi — taraqqiyot va farovonlik garovidir!