#_deputat_faoliyati
#_24_ta_masala
#_kotibiyat_xodimi_faoliyati
Ayollar bandligini ta’minlash va jinoyatchilikning oldini olish — e’tiborda

Xalq deputatlari Sariosiyo tumani Kengashining “1-Sangardak” saylov okrugidan saylangan deputati S.Kasimov, kotibiyat bosh mutaxassisi N.Xamdamova, tuman Oila va xotin-qizlar bo‘limi boshlig‘i D.Toshmatova hamda hamkor tashkilotlar vakillari ishtirokida yig‘ilish o‘tkazildi.

Yig‘ilishda hududdagi xotin-qizlarning bandligini ta’minlash, ularni kasb-hunarga o‘qitish, tadbirkorlik faoliyatiga jalb etish, daromad manbalarini yaratish hamda ijtimoiy muammolarini manzilli hal etish masalalariga alohida e’tibor qaratildi.

Shuningdek, xotin-qizlar o‘rtasida huquqbuzarlik va jinoyatchilikning oldini olish, oilaviy muhitni sog‘lomlashtirish, nizoli oilalar bilan individual ishlash, muammoli vaziyatlarni barvaqt aniqlash va ularni bartaraf etish bo‘yicha amalga oshirilayotgan ishlar muhokama qilindi.

Tadbir davomida ishsiz va bandligi ta’minlanmagan xotin-qizlarni mavjud bo‘sh ish o‘rinlariga yo‘naltirish, kasb-hunarga o‘qitish va tadbirkorlikka jalb etish orqali ularning iqtisodiy faolligini oshirish yuzasidan tegishli vazifalar belgilab olindi.

Yig‘ilish yakunida hamkor tashkilotlar tomonidan hududda xotin-qizlar bilan ishlash samaradorligini yanada oshirish, jinoyatchilik va huquqbuzarliklarning oldini olish hamda har bir muammoli oilaga individual yondashuv asosida ish olib borish bo‘yicha taklif va tavsiyalar bildirildi.

Xotin-qizlar bandligini ta’minlash, ularning huquq va manfaatlarini himoya qilish hamda jamiyatda xavfsiz va sog‘lom muhitni shakllantirish deputatlik nazoratining muhim yo‘nalishlaridan biridir.