#haftalik_ish_reja_ijrosi
#biriktirilgan_tashkilot
#162_qonun
#kotibiyat_xodimi_faoliyati

Termiz shahar Yoshlar ishlari bo‘limi faoliyati tahlil qilindi

Xalq deputatlari Termiz shahar Kengashi deputatlariga biriktirilgan shahar tashkilotlari bilan hamkorlikni kuchaytirish, qonun hujjatlari ijrosini joylarda o‘rganish hamda deputatlik nazoratini samarali tashkil etish yuzasidan amaliy ishlar davom ettirilmoqda.

Shu maqsadda bugun Xalq deputatlari Termiz shahar Kengashi kotibiyati bosh mutaxassisi A.Temirov O‘zbekiston yoshlar ishlari agentligi Termiz shahar bo‘limida bo‘lib, bo‘lim rahbari F.Xalmuratov bilan bo‘limning bugungi faoliyati yuzasidan suhbat olib bordi.

Xususan, qonun talablarining amaliy ijrosi, yoshlarni qo‘llab-quvvatlash, ularning bandligini ta’minlash, iqtidorli yoshlarni rag‘batlantirish, "Yoshlar daftari" bilan ishlash, yoshlar tadbirkorligini rivojlantirish, bo‘sh vaqtini mazmunli tashkil etish hamda huquqbuzarliklarning oldini olish borasida amalga oshirilayotgan ishlar atroflicha tahlil qilindi.

O‘rganish davomida yoshlar bilan ishlash tizimini yanada takomillashtirish, qonun hujjatlarining ijrosini kuchaytirish, mavjud kamchiliklarni bartaraf etish hamda belgilangan vazifalarni o‘z vaqtida va sifatli bajarish yuzasidan fikr almashilindi.

Mazkur nazorat-tahlil tadbirlari deputatlarning biriktirilgan tashkilotlar bilan hamkorligini yanada mustahkamlash, davlat organlari faoliyati samaradorligini oshirish, yoshlar manfaatlarini ta'minlash hamda deputatlik nazoratining ta'sirchanligini kuchaytirishga xizmat qilmoqda.

Xalq deputatlari Termiz shahar Kengashi tomonidan biriktirilgan tashkilotlarda qonun hujjatlari va Kengash qarorlari ijrosini o‘rganish, davlat dasturlari samaradorligini tahlil qilish hamda aniqlangan muammolarni joyida bartaraf etishga qaratilgan nazorat tadbirlari izchil davom ettiriladi.