2026-yil 7-sentyabrda Termiz shahri "Jayhun" mahallasida 4-saylov okrugi deputati G.Abramatova va mas'ullar tomonidan fuqarolar qabuli o'tkazildi. Tadbir PF-116-sonli Farmon doirasida yolg'iz keksalar va muhtoj oilalarning ijtimoiy muammolarini o'rganish maqsadida tashkil etilgan. Aniqlangan masalalar deputatning murojaat daftariga qayd etilib, mutasaddi tashkilotlarga amaliy yechim topish uchun deputatlik so'rovlari yuborilishi belgilandi.
Termiz shahrida mahalla boshqaruvini samarali tashkil etish, ijtimoiy himoyaga muhtoj qatlamlarni qo‘llab-quvvatlash hamda aholi muammolarini bevosita "xonadonbay" o‘rganish borasidagi deputatlik nazorati izchil davom ettirilmoqda.
Xalq deputatlari Termiz shahar Kengashining 4-“Bo‘ston” saylov okrugi deputati G.Abramatova hamda Kengash kotibiyati bosh mutaxassisi A.Temirovlar “Jayhun” mahallasida bo‘lib, navbatdagi nazorat-tahlil tadbiri va fuqarolar qabulini o‘tkazdilar.
Mazkur jarayon O‘zbekiston Respublikasi Prezidentining PF-116-sonli Farmoni hamda mahalliy Kengash deputatlari faoliyati uchun belgilangan “24 ta eng muhim yo‘nalish” doirasida tashkil etildi.
Deputat G.Abramatova hamda mas’ullar mahalladagi ijtimoiy xodim bilan birgalikda hududdagi ehtiyojmand xonadonlarda bo‘lib, fuqarolarni qiynayotgan muammolarni bevosita joyida o‘rgandilar. O‘rganish davomida quyidagilarga alohida e’tibor qaratildi:
Manzilli ijtimoiy ko‘mak: Mahalladagi yolg‘iz keksalar, nogironligi bor shaxslar va boquvchisini yo‘qotgan oilalarning yashash sharoitlari hamda ularga ko‘rsatilayotgan ijtimoiy xizmatlar sifati;
Tibbiy-ijtimoiy yordam: Muhtoj fuqarolarning dori-darmon, reabilitatsiya vositalari hamda ijtimoiy nafaqalarga bo‘lgan ehtiyojlari;
"Mahalla yettiligi" integratsiyasi: PF-116-sonli Farmon doirasida deputat va ijtimoiy xodimning hamkorlikda aholi muammolariga yechim topish samaradorligi.
Murojaatlar nazoratda — Amaliy choralar belgilandi!
O‘rganish davomida aniqlangan barcha ijtimoiy va kommunal muammolar deputat J.Abramatovaning shaxsiy murojaat daftariga qayd etildi.
Murojaatlarning ijrosini ta’minlash, ehtiyojmand oilalarga amaliy yordam ko‘rsatish hamda mahalla infratuzilmasini yaxshilash yuzasidan mutasaddi tashkilotlarga deputatlik so‘rovlari yuborilishi va ularning natijasi qat'iy nazorat qilinishi belgilab olindi