Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan mas’ul tashkilotning aholiga ko‘rsatayotgan qattiq maishiy chiqindilarni yig‘ish va olib chiqib ketish xizmati sifati o‘rganildi.

🟢O‘rganish davomida mahallada chiqindilarni yig‘ish va maxsus transport vositalari orqali belgilangan joylarga olib chiqib ketish ishlari yo‘lga qo‘yilgani, xizmat ko‘rsatish jarayoni davom etayotgani kuzatildi. Shu bilan birga, aholi bilan muloqot jarayonida chiqindilarni olib chiqib ketishda xizmat ko‘rsatuvchi “Rahnamo Servis” MChJ belgilangan grafikka har doim ham to‘liq rioya etilmayotgani bilan bog‘liq e’tirozlar mavjudligi ma’lum bo‘ldi. Ayrim holatlarda chiqindilarning o‘z vaqtida olib chiqilmasligi natijasida chiqindi to‘planadigan joylarda maishiy chiqindilarning ortiqcha yig‘ilib qolishi, bu esa hududning sanitariya va obodonlik holatiga salbiy ta’sir ko‘rsatishi mumkin.

🟢Deputat tomonidan chiqindilarni olib chiqib ketish xizmatini aholiga sifatli va belgilangan tartibda ko‘rsatish, tasdiqlangan grafikka qat’iy amal qilish, maxsus texnikalarning belgilangan vaqtda hududlarga chiqishini ta’minlash zarurligi ta’kidlandi. O‘rganish yakunida chiqindilarni olib chiqib ketish grafigiga rioya etilishini ta’minlash, xizmat sifatini oshirish va aholi tomonidan bildirilayotgan e’tirozlarni bartaraf etish bo‘yicha mas’ullarga tegishli tavsiyalar berildi.