Fuqarolar murojaatlari — e’tibor va amaliy yechim markazida

📍Xalq deputatlari O‘rta Chirchiq tumani Kengashi deputatlari N.Xaitqulov, B.Baxovadinov hamda tuman hokimligi Umumiy bo‘lim mudiri I.Alimbekova ishtirokida fuqarolar qabuli o‘tkazildi.

📃Qabul jarayonida fuqarolarning murojaatlarini atroflicha o‘rganish, ularni qiynayotgan muammolarga amaliy yechim topish va tegishli tashkilotlar bilan hamkorlikda zarur choralarni belgilashga alohida e’tibor qaratildi.

👥Qabulda tuman Ichki ishlar bo‘limi boshlig‘i o‘rinbosari, tuman Suv ta’minoti bo‘limi boshlig‘i, tuman Kadastr bo‘limi boshlig‘i, korxona va tashkilotlar rahbarlari hamda sohaga mas’ul mutasaddilar ishtirok etdi.

📃 Qabul davomida fuqarolarning turli yo‘nalishlardagi murojaatlari tinglandi. Xususan, kommunal xizmatlar, uy-joy masalalari, tadbirkorlik faoliyatini yo‘lga qo‘yish, sog‘liqni saqlash, moddiy yordam, bolalar nafaqasi, subsidiya, pensiya, bandlik va ta’lim bilan bog‘liq masalalar muhokama qilindi.

🖊Har bir murojaat individual tartibda ko‘rib chiqilib, fuqarolarga tegishli tartib va amaldagi qonunchilik doirasida tushuntirishlar berildi.

📌Fuqarolar qabuli davomida aholining muammolarini bevosita o‘rganish, ularning qonuniy huquq va manfaatlarini himoya qilish, murojaatlarni o‘z vaqtida va samarali hal etish borasidagi ishlarni yanada kuchaytirish zarurligi qayd etildi.

✅Xalq deputatlari O'rta Chirchiq tuman Kengashi kotibiyati axborot xizmati!