Bugun, 2-sentabr kuni Parkent tumanidagi 58 ta umumta’lim maktabida 2026–2027-o‘quv yiliga start berildi.Yangi o‘quv yilining boshlanishi munosabati bilan tumandagi 46-sonli umumta’lim maktabida “Birinchi qo‘ng‘iroq” va “Mustaqillik darsi” tadbirlari tashkil etildi.Unda Xalq deputatlari Toshkent viloyati Kengashi deputati, senator Mahmudjon To‘xtayevich Toirov, Xalq deputatlari Parkent tuman Kengashiga 23-“Nomdanak” saylov okrugidan saylangan deputat, Parkent tumani hokimi Po‘latov Elmurod To‘xtaboyevich,shuningdek, maktab jamoasi, pedagoglar, o‘quvchilar va ota-onalar ishtirok etdi.Tadbir davomida Xalq deputatlari Toshkent viloyati Kengashi deputati, senator Mahmudjon To‘xtayevich Toirov O‘zbekiston Respublikasi Prezidenti Shavkat Mirziyoyevning yangi o‘quv yili munosabati bilan yo‘llagan tabrigini yig‘ilganlarga o‘qib eshittirdi.Shuningdek, Xalq deputatlari Parkent tuman Kengashiga 23-“Nomdanak” saylov okrugidan saylangan deputat, Parkent tumani hokimi Po‘latov Elmurod To‘xtaboyevich barchani O‘zbekiston Respublikasi davlat mustaqilligining 35 yilligi va yangi o‘quv yilining boshlanishi bilan muborakbod etdi.O‘z tabrigida o‘quvchi-yoshlarga bilim olishda yuqori natijalarga erishish, oldilariga katta maqsadlar qo‘yib, kelajakda Vatanimiz taraqqiyotiga munosib hissa qo‘shishlarini, ustozlarga esa o‘zlarining sharafli va mas’uliyatli faoliyatlarida muvaffaqiyatlar tiladi.Tadbirning quvonchli va hayajonli lahzalaridan biri 1-sinfga qabul qilingan o‘quvchilarga Prezidentimizning an’anaviy sovg‘alari tantanali ravishda topshirilgani bo‘ldi.“Birinchi qo‘ng‘iroq” tadbiri ko‘tarinki ruhda o‘tib,o‘quvchilar, ustozlar va ota-onalarga bayramona kayfiyat hamda unutilmas taassurotlar ulashdi.Tadbirlar davomida deputatlar tomonidan o‘quvchilarga yangi o‘quv yilida puxta bilim olish, ustozlarning saboqlarini qunt bilan o‘zlashtirish, o‘z oldilariga ezgu maqsadlar qo‘yib, ularga erishish yo‘lida astoydil intilish hamda kelajakda Vatanga munosib farzand bo‘lib voyaga yetishlari tilak bildirildi.