Xalq deputatlari Parkent tuman Kengashiga 7-“Xisarak” saylov okrugidan saylangan deputat Mannonov Abduzarif Abduraufovich tomonidan o‘zi saylangan hududdagi “Chinorbuloq” mahallasida ijtimoiy himoyaga muhtoj fuqarolarga ko‘rsatilayotgan xizmatlar holati deputatlik nazorati doirasida o‘rganildi.O‘rganish davomida mahallada faoliyat yuritayotgan ijtimoiy xodim S.Umarovning aholining ijtimoiy ehtiyojmand qatlamlariga xizmat ko‘rsatish, kam ta’minlangan oilalarga ijtimoiy nafaqa va moddiy yordam tayinlash hamda to‘lash, yolg‘iz keksalar va nogironligi bo‘lgan shaxslarni qo‘llab-quvvatlash borasidagi faoliyati tahlil qilindi.Shuningdek, mahalladagi ijtimoiy himoyaga muhtoj fuqarolarga ko‘rsatilayotgan xizmatlarning sifati va manzilliligi,tibbiy-ijtimoiy hamda psixologik yordam holati, shuningdek, “Inson” ijtimoiy xizmatlar markazi xodimi tomonidan yuritilayotgan ijtimoiy keyslarning samaradorligiga e’tibor qaratildi.O‘rganish jarayonida ehtiyojmand aholini ijtimoiy qo‘llab-quvvatlash tizimini yanada takomillashtirish, og‘ir vaziyatga tushib qolgan oilalarga davlat tomonidan ko‘rsatilayotgan yordamni o‘z vaqtida va manzilli yetkazish hamda mavjud tizimli muammolarni bartaraf etish yuzasidan mas’ullarga tegishli tavsiyalar berildi.Deputat tomonidan mazkur yo‘nalishdagi ishlarning samaradorligini oshirish va ijtimoiy xizmatlarning aholiga yanada sifatli ko‘rsatilishini ta’minlash masalalari nazoratga olindi.