#Kunlik_ish_reja_ijrosi
#mahalla_yettiligi_bilan_hamkorlik
#deputat_okrugida

“Bog‘iston” mahallasida hokim yordamchisi faoliyati o‘rganildi

Xalq deputatlari tuman Kengashiga 17-“Bog‘iston” saylov okrugidan saylangan deputat U.Xo‘shboqov tomonidan o‘z saylov okrugidagi “Bog‘iston” mahallasida hokim yordamchisining faoliyati o‘rganildi.

O‘rganish davomida O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi Qarorida belgilangan vazifalar ijrosi yuzasidan hokim yordamchisi tomonidan amalga oshirilayotgan ishlar ko‘rib chiqildi.

Xususan, mahallada tadbirkorlikni rivojlantirish, aholi bandligini ta’minlash va kambag‘allikni qisqartirish, fuqarolarning tadbirkorlik tashabbuslarini qo‘llab-quvvatlash, kredit va subsidiyalar ajratilishida ko‘maklashish hamda kichik ishlab chiqarish va xizmat ko‘rsatish loyihalarini amalga oshirishga to‘sqinlik qilayotgan muammolarni bartaraf etish borasidagi ishlar o‘rganildi.

Shuningdek, ishsiz fuqarolarni o‘zini o‘zi band qilish faoliyatiga jalb etish, aholi bandligini ta’minlash hamda “Kambag‘allikdan farovonlik sari” dasturida belgilangan vazifalar va kambag‘allikni qisqartirish bo‘yicha maqsadli ko‘rsatkichlarning ijrosini ta’minlash yo‘nalishlaridagi faoliyatiga alohida e’tibor qaratildi.

O‘rganish yakunida hokim yordamchisi faoliyatida aniqlangan masalalar yuzasidan tegishli tavsiya va takliflar bildirilib, mahalladagi mavjud imkoniyatlardan samarali foydalanish, aholi bandligini ta’minlash va fuqarolarni kambag‘allikdan chiqarish borasidagi ishlarni yanada kuchaytirish bo‘yicha kelgusidagi vazifalar belgilab olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram