Xalq deputatlari Angor tumani Kengashi 2–Xo‘jaqiya saylov okrugi deputati Javliyev Ravshan hududda o‘rganish ishlari olib borildi.Mazkur o'rganishda kotibiyat bosh mutaxassisi M.Chorieya ham ishtirok etdi.

O‘rganish davomida mahalladagi yoshlar yetakchisi faoliyati tahlil qilinib, yoshlarni qo‘llab-quvvatlash hamda ularning bandligini ta’minlash borasida amalga oshirilayotgan ishlar o‘rganildi.

Aniqlanishicha, joriy davrda 10 nafar yoshning bandligi ta’minlangan, shuningdek, tadbirkorlik faoliyatini yo‘lga qo‘yish va daromad manbaini yaratish maqsadida 8 nafar yoshga subsidiya ajratilgan. Bundan tashqari, 2 nafar yoshga imtiyozli kredit ajratilib, ularning o‘z biznesini boshlashi uchun zarur sharoit yaratilgan.

Deputat tomonidan yoshlar bilan ishlash samaradorligini yanada oshirish, ularni kasb-hunar va tadbirkorlikka keng jalb etish, mavjud imkoniyatlardan samarali foydalanish hamda bu boradagi ishlarni izchil davom ettirish yuzasidan tegishli tavsiya va takliflar bildirildi.