Mahallada kredit mablag‘laridan maqsadli foydalanish holati o‘rganildi
Navbatdagi sessiya kun tartibidagi Angor tumani mahalliy budjetining 2026-yil II chorak ijrosi masalasi yuzasidan sessiya oldi o‘rganishi doirasida Xalq deputatlari Angor tumani Kengashi 2–Xo‘jaqiya saylov okrugi deputati Javliyev Ravshan tomonidan hududdagi kredit mablag‘laridan foydalanish holati o‘rganildi. O‘rganishda tuman Kengashi kotibiyati bosh mutaxassisi Mahliyo Choriyeva ham ishtirok etdi.

O‘rganish davomida mahallaga biriktirilgan bank agenti Mamatmurodova Zarnigor tomonidan amalga oshirilayotgan ishlar, fuqarolarga ajratilgan imtiyozli kreditlarning maqsadli yo‘naltirilishi, chorvachilik va boshqa tadbirkorlik loyihalarining moliyalashtirilishi yuzasidan ma’lumotlar tahlil qilindi.
Shuningdek, ajratilgan kreditlarning o‘z vaqtida qaytarilishi, muddati o‘tgan qarzdorliklar, rasmiylashtirilgan dalolatnomalar hamda kredit oluvchilar ro‘yxati ko‘zdan kechirildi.
O‘rganish yakunida kredit mablag‘laridan samarali va maqsadli foydalanish, to‘lov intizomini mustahkamlash, mavjud qarzdorliklarni qisqartirish hamda aholi bilan tushuntirish ishlarini kuchaytirish bo‘yicha tegishli tavsiyalar berildi.

Mazkur sessiya oldi o‘rganishi orqali mahalliy budjet mablag‘laridan samarali foydalanish, tadbirkorlikni rivojlantirish, yangi ish o‘rinlari yaratish va aholi daromadlarini oshirishga qaratilgan ishlarning amaliy natijadorligi tahlil qilindi.