2026-yil 12-avgust kuni soat 14:00 da Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi.
Yig‘ilishga doimiy komissiya raisi N. Dusmurodov raislik qildi.
Kun tartibidan quyidagi muhim masalalar o‘rin oldi:
🔹 “Manfaatlar to‘qnashuvi to‘g‘risida”gi O‘zbekiston Respublikasi Qonunining tumandagi ijrosi;
🔹 Yo‘l harakati xavfsizligi kunini o‘tkazish va yo‘l-transport hodisalari profilaktikasining samaradorligini oshirish chora-tadbirlari to‘g‘risida O‘zbekiston Respublikasi Vazirlar Mahkamasi qarorining tumandagi ijrosi.
Yig‘ilish davomida “Manfaatlar to‘qnashuvi to‘g‘risida”gi Qonunning tumandagi ijrosini o‘rganish maqsadida deputatlik savolnomasi ishlab chiqildi.
📋 Mazkur savolnoma orqali davlat organlari va tashkilotlarida manfaatlar to‘qnashuvining oldini olish, qonun talablariga rioya etilishi, shaffoflikni ta’minlash hamda korrupsiyaga qarshi kurashish tizimining samaradorligini baholash ko‘zda tutilgan.
Shuningdek, yo‘l harakati xavfsizligini ta’minlash, yo‘l-transport hodisalarining oldini olish va profilaktika tadbirlarining samaradorligini oshirish masalalariga ham alohida e’tibor qaratildi.