📜 Qonun qabul qilindi. Ammo uning hududda amalda qanday ishlayotgani ham muhim.
Shuning uchun deputatlar o‘z vakolatlari doirasida qonunlar va davlat dasturlari ijrosini o‘rganishda ishtirok etadi.

🔍 Deputatlar:
📌 hududga chiqib o‘rganish o‘tkazadi;
📌 fuqarolarning murojaatlarini o‘rganadi;
📌 mas’ul tashkilotlar axborotini eshitadi;
📌 zarur hollarda deputatlik so‘rovi yuboradi;
📌 aniqlangan muammolarni Kengash muhokamasiga olib chiqadi.

🎯 Maqsad — kimnidir jazolash emas.
Asosiy maqsad — qonun talablari amalda bajarilayaptimi, belgilangan vazifalar o‘z vaqtida ijro etilyaptimi va aholi manfaatlari ta’minlanyaptimi — shuni aniqlash.
Deputat ijro organining o‘rniga ishlamaydi. U qonun ijrosini o‘rganadi, muammoni aniqlaydi va uni vakolatli organlar oldiga qo‘yadi.
🔥 Qonunning kuchi — uning qabul qilinganida emas, amalda ishlashidadir.

📚 Huquqiy asos:
O‘zbekiston Respublikasining «Mahalliy davlat hokimiyati to‘g‘risida»gi Qonuni, «Xalq deputatlari viloyat, tuman va shahar Kengashi deputatining maqomi to‘g‘risida»gi Qonuni, shuningdek Oliy Majlis Senati Kengashining 2024 yil 11 dekabrdagi KQ-19-V-son qarori.