#deputat_soʻrovi_javobi #poytaxtdeputatlari #deputatlik_faoliyati

❗️ Xo‘ja Uchqun mahallasidagi yo‘l harakati xavfsizligi masalasi yuzasidan deputatlik so‘roviga rasmiy javob olindi

🏛 Xalq deputatlari Toshkent shahar Kengashi deputati Suhrob Saifnazarov tomonidan Yangihayot tumani “Xo‘ja Uchqun” mahallasidagi yo‘l harakati xavfsizligini ta’minlash masalasi yuzasidan Toshkent shahar Ichki ishlar bosh boshqarmasi Yo‘l harakati xavfsizligi boshqarmasi boshlig‘i M.A. Adilov nomiga yuborilgan deputatlik so‘rovi mutasaddi tashkilot tomonidan ko‘rib chiqildi.

📩 Toshkent shahar IIBB Yo‘l harakati xavfsizligi boshqarmasining rasmiy javobida ma’lum qilinishicha, deputatning so‘rovida ko‘tarilgan masalalar boshqarma mas’ul xodimlari tomonidan joyiga chiqqan holda atroflicha o‘rganilgan.

🔎 O‘rganish jarayonida “Xo‘ja Uchqun” mahallasi ko‘chalarida O‘z DSt 3283:2019 standarti talablari asosida sun’iy notekisliklar, zarur yo‘l belgilari va yo‘l chiziqlari, tezlikni cheklovchi texnik vositalar hamda piyodalar xavfsizligini ta’minlashga qaratilgan muhandislik inshootlarini o‘rnatish yuzasidan deputatlik so‘rovida bildirilgan takliflar ko‘rib chiqilgan.

🛣 Rasmiy javobda O‘zbekiston Respublikasining 2007-yil 2-oktabrdagi O‘RQ-117-sonli “Avtomobil yo‘llari to‘g‘risida”gi Qonunining 23-moddasiga havola qilinib, avtomobil yo‘llarida yoki ularning ayrim uchastkalarida harakatlanishni cheklash yoxud taqiqlash masalalari mazkur avtomobil yo‘llari qaysi yuridik yoki jismoniy shaxslar ixtiyorida bo‘lsa, ularning vakolati doirasida amalga oshirilishi belgilanganligi ma’lum qilingan.

📁 Shu asosda Toshkent shahar IIBB Yo‘l harakati xavfsizligi boshqarmasi boshlig‘i M.A. Adilov tomonidan taqdim etilgan javobda “Xo‘ja Uchqun” mahallasi ko‘chalarida transport vositalari harakat tezligini cheklash yoki har qanday to‘siqlarni o‘rnatish masalasi Toshkent shahar IIBB Yo‘l harakati xavfsizligi boshqarmasining bevosita vakolat doirasiga kirmasligi bildirilgan.

⚠️ Shu bilan birga, deputatlik so‘rovining asosiy maqsadi hududdagi transport oqimi ortishi fonida fuqarolar va piyodalar xavfsizligini ta’minlash, yo‘l-transport hodisalarining oldini olish hamda mahallada xavfsiz harakatlanish sharoitlarini yaratishga qaratilgan.

🤝 Mazkur masala deputat Suhrob Saifnazarov tomonidan nazoratda saqlanib, “Xo‘ja Uchqun” mahallasida yo‘l harakati xavfsizligini ta’minlash bo‘yicha vakolatli tashkilotlar bilan tegishli choralarni ko‘rish masalasi davom ettiriladi.

📱 Telegram 📱 Instagram 📱 Facebook 📱 YouTube 🔎 E-kengash