Tashrif davomida mahalladagi ichki yo‘llarning holati, ichimlik suvi, elektr energiyasi va tabiiy gaz ta’minoti, ko‘cha yoritish tizimi, sanitariya va obodonlashtirish ishlari, aholi bandligini ta’minlash hamda fuqarolarni qiynab kelayotgan boshqa dolzarb masalalar joyiga chiqqan holda o‘rganildi.

Deputatlar mahalla fuqarolari, nuroniylar, xotin-qizlar faollari va yoshlar bilan ochiq muloqot o‘tkazib, ularning murojaat va takliflarini tingladilar. Har bir murojaat yuzasidan mas’ul tashkilotlar ishtirokida muammolarni hal etish bo‘yicha tegishli chora-tadbirlar belgilandi.

Shuningdek, mahallada olib borilayotgan bunyodkorlik ishlari, hududni obodonlashtirish, ijtimoiy infratuzilmani yanada rivojlantirish hamda aholi turmush farovonligini oshirishga qaratilgan loyihalarning ijro holati yuzasidan ham fikr almashildi.

Deputatlar tomonidan bildirilgan murojaatlar va aniqlangan muammolar deputatlik nazoratiga olinib, ularni bosqichma-bosqich bartaraf etish yuzasidan tegishli mutasaddi tashkilotlar bilan hamkorlikda amaliy choralar ko‘rilishi ta’kidlandi.