MURABBIYLAR KO‘CHASIDA O‘RGANISH ISHLARI AMALGA OSHIRILDI 

 Xalq deputatlari Quva tuman Kengashi deputati M.Axmadaliyeva, Kengash huzuridagi Yoshlar maslahat guruhi a’zosi J.Abdurashidov hamda tuman Kengashi kotibiyati
bosh mutaxassisi M.To‘xtasinov ishtirokida Pastki Xonobod mahallasida manzilli o‘rganish o‘tkazildi. O‘rganish davomida Xalq deputatlari Quva tuman
Kengashi sessiyasi kun tartibiga kiritilishi rejalashtirilgan masala doirasida “Farg‘ona tozalik sanitar servis” MChJ Quva tuman filiali tomonidan mahallada
amalga oshirilayotgan sanitariya va obodonlashtirish ishlari, chiqindilarni yig‘ish va olib chiqish xizmati hamda mavjud muammolar o‘rganildi. 

Jumladan, deputat Murabbiylar ko‘chasida bo‘lib, ko‘cha boshi Sh.Qirg‘izboev bilan birgalikda hududda aholini qiynayotgan dolzarb muammolarni o‘rgandi. O‘rganish davomida ko‘cha boshi hamda aholi tomonidan “Farg‘ona tozalik sanitar servis” MChJ Quva tuman filiali tomonidan ko‘rsatilayotgan xizmatlar sifati yuzasidan e’tirozlar bildirildi. Shuningdek, elektr energiyasi ta’minotida kuzatilayotgan uzilishlar va mavjud kamchiliklar yuzasidan murojaatlar yo‘llandi. 

O‘rganish yakunida ko‘cha boshi hamda fuqarolar tomonidan bildirilgan murojaat va takliflar “Deputatning ko‘cha aylanish daftari”ga belgilangan tartibda qayd etildi. Ularning ijobiy yechimini ta’minlash maqsadida mas’ul tashkilotlarga tegishli taklif va tavsiyalar berildi hamda ijrosi deputatlik nazoratiga olindi.