#_deputat_faoliyati
#_24_ta_masala
Saylovchilar bilan ochiq muloqot: Yangihayot mahallasida navbatdagi uchrashuv o‘tkazildi

Xalq deputatlari viloyat Kengashi deputati Sh.Oripov, hamda xalq deputatlari tuman Kengashi raisi M.Ashurov hamda hamkor tashkilotlar tomonidan "6-Yangihayot" okrugi deputati A.Safarov saylov hududiga borib "Yangihayot" mahallasida istiqomat qiluvchi saylovchilar bilan navbatdagi uchrashuv tashkil etildi.

Uchrashuvdan ko‘zlangan asosiy maqsad fuqarolar bilan ochiq muloqot o‘tkazish, ularni qiynayotgan muammolarni bevosita joyiga chiqib o‘rganish, mavjud masalalarga yechim topish hamda hududni ijtimoiy-iqtisodiy rivojlantirish borasidagi taklif va tashabbuslarni muhokama qilishdan iborat bo‘ldi.

Muloqot davomida mahalla infratuzilmasini yaxshilash, ichki yo‘llarni ta'mirlash, elektr energiyasi, ichimlik suvi va tabiiy gaz ta'minoti, obodonlashtirish, bandlikni ta'minlash, tadbirkorlikni qo‘llab-quvvatlash, yoshlar va xotin-qizlarni har tomonlama qo‘llab-quvvatlash kabi dolzarb masalalar yuzasidan fikr almashildi.

Uchrashuv davomida deputatlar tomonidan hududda amalga oshirilayotgan bunyodkorlik ishlari, ijtimoiy sohada olib borilayotgan islohotlar hamda aholi farovonligini oshirishga qaratilgan davlat dasturlarining ijrosi haqida ham ma'lumot berildi. Fuqarolar tomonidan ilgari surilgan taklif va tashabbuslarning amalga oshirilishi hududni kompleks rivojlantirishda muhim ahamiyat kasb etishi alohida ta'kidlandi.

Ta'kidlanganidek, saylovchilar bilan muntazam uchrashuvlar o‘tkazish, ularning murojaatlarini o‘z vaqtida ko‘rib chiqish hamda joylardagi muammolarni bartaraf etish deputatlik faoliyatining ustuvor yo‘nalishlaridan biri hisoblanadi. Bu kabi ochiq muloqotlar xalq bilan davlat organlari o‘rtasidagi hamkorlikni mustahkamlash, fuqarolarning ishonchini oshirish va hududlarni yanada rivojlantirishga xizmat qiladi.