Xalq deputatlari Qo‘qon shahar Kengashi deputati J.Xusanov tomonidan "G‘ishtko‘prik" mahalla fuqarolar yig‘inida hokim yordamchisi T.Maxmudov tomonidan O‘zbekiston Respublikasining 2012-yil 26-apreldagi O‘RQ-327-sonli "Oilaviy tadbirkorlik to‘g‘risida"gi hamda 2012-yil 2-maydagi O‘RQ-328-sonli "Tadbirkorlik faoliyati erkinligining kafolatlari to‘g‘risida"gi Qonunlari ijrosi yuzasidan amalga oshirilayotgan ishlar doirasida navbatdagi o‘rganish o‘tkazildi.

O‘rganish jarayonida "G‘ishtko‘prik" MFY, Jasorat ko‘chasi 11-uyda yashovchi hunarmand J.Umarovning faoliyati joyiga chiqqan holda o‘rganildi.

Aniqlanishicha, hokim yordamchisi ko‘magida hunarmandga 50 million so‘m miqdorida imtiyozli kredit ajratilgan bo‘lib, ushbu mablag‘ hisobidan o‘z faoliyatini rivojlantirish va biznesini kengaytirish imkoniyati yaratilgan.

Bugungi kunda J.Umarov oziq-ovqat mahsulotlari savdosi bilan shug‘ullanib, mahalla aholisiga sifatli xizmat ko‘rsatish, oilaviy tadbirkorlikni rivojlantirish hamda yangi daromad manbalarini yaratish yo‘lida samarali faoliyat olib borayotgani ma’lum bo‘ldi.

O‘rganish davomida tadbirkorlik va hunarmandchilikni rivojlantirish, imtiyozli kreditlardan samarali foydalanish, davlat tomonidan yaratilayotgan imkoniyatlarni keng targ‘ib qilish hamda aholi bandligini oshirish masalalari yuzasidan mas’ullar bilan fikr almashildi.

Xalq deputatlari Qo‘qon shahar Kengashi