"Máhállede abadanlıq hám miyrim-shápáát aylıǵı" sheńberinde Bozataw rayonında keń kólemli abadanlastırıw jumısları izbe-iz dawam etpekte.
Usı sheńberde Xalıq deputatları Bozataw rayonlıq Keńesiniń deputatları tárepinen "Erkindárya" APJ aymaǵında jaylasqan qoyımshılıqlarda abadanlastırıw hám tazalaw jumısları shólkemlestirildi.
Ilaj dawamında qábirstan aymaqları ot-shóplerden tazalanıp, salmalar tártipke keltirildi, aǵash-putalar tártipke salındı hám aymaqtıń sanitariyalıq jaǵdayın jaqsılawǵa qaratılǵan jumıslar ámelge asırıldı.
Bul sıyaqlı qayırqomlıq hám abadanlastırıw ilajları el-xalıq arasında óz-ara qádir-qımbat, ulıwma birligi hám ata-babalar esteligin qádirlew mádeniyatın bekkemlewge xızmet etedi. Deputatlar bunday ilajlarda belsene qatnasıp, jergilikli xalıqtı da abadanlastırıw jumıslarına keńnen qatnasıwǵa shaqırdı.