🔹Náwbettegi esabat ushırasıwı Allayar Dosnazarov awıl puqaralar jıyınında bolıp ótti.

Ushırasıwǵa Xalıq deputatları Qaraózek rayonlıq Keńesi 10-A.Dosnazarov saylaw okrugi deputatı S.Íqlasov (ÓzMTDP), 11-Qarabuǵa saylaw okrugi deputatı S.Xalmuratov (ÓzMTDP) máhálle hám rayonlıq mákemeler wákilleri hám aymaq turǵınları qatnastı.
Ózbekstan Respublikası Ministrler Kabinetiniń 2024-jıl 13-iyun kúngi «Máhálleler iskerligin tártipke salıwǵa tiyisli normativ-huqıqıy hújjetlerdi tastıyıqlaw haqqında»ǵı 334-sanlı qararı tiykarında máhálle wákilleriniń esabatı da tıńlanılıp, puqaralardan qızıqtırǵan hám mashqalalı soraw, usınısları tıńlandı.
Deputatlar saylawshılardıń múrájat hám usınısın deputatlıq qadaǵalawǵa alıp, máhálle wákilleri menen birgelikte aldaǵı wazıypalar belgiledi.