Fayzobod MFYda xotin-qizlar bilan ishlash samaradorligi o‘rganildi

Fayzobod MFY misolida mahalladagi xotin-qizlar faol tomonidan amalga oshirilayotgan ishlar samaradorligi o‘rganildi. Ushbu o‘rganish xalq deputatlari Piskent tuman Kengashi raisi, 15-Fayzobod saylov okrugi deputati D. Komilovaga biriktirilgan kotibiyat bosh mutaxassisi G. Xudoyqulova tomonidan amalga oshirildi.

O‘rganish jarayonida quyidagi ko‘rsatkichlar qayd etildi:

“Ayollar daftari”: Daftarga jami 243 nafar xotin-qizlar kiritilgan bo‘lib, ular bilan manzilli ishlar olib borilmoqda.

Tadbirkorlik va imtiyozli kreditlar: Tadbirkorlik qilish istagi bo‘lgan xotin-qizlardan 10 nafariga imtiyozli kreditlar ajratilishi ta’minlangan.

Bandlikni ta'minlash: Ishsiz bo‘lgan 40 nafar xotin-qizning bandligi ta’minlanib, ularning doimiy daromad manbaiga ega bo‘lishiga ko‘maklashilgan.

Tibbiy ko‘riklar: Xotin-qizlarning salomatligini asrash borasida 53 nafar fuqaro chuqurlashtirilgan tibbiy ko‘rikdan o‘tkazilgan.

Huquqiy yordam: Huquqiy yordamga muhtoj bo‘lgan 15 nafar xotin-qizga tuman Adliya bo‘limi tomonidan amaliy huquqiy yordam ko‘rsatilgan.

Fayzobod MFYda xotin-qizlarning muammolarini ijobiy hal etish, ularni ijtimoiy qo‘llab-quvvatlash hamda bandligini ta'minlash borasidagi ishlar deputatlik nazorati ostida davom ettirilmoqda.Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/ Instagram(https://www.instagram.com/piskent_tuman_kengashi?igsh=MXY1ZzNjYXhweG1oZw