#Jarayon

Deputat tomonidan "Adolat" mahallasi yettiligi faoliyati o‘rganildi

📍Xalq deputatlari Toshkent viloyati Kengashi kotibiyati bosh mutaxassisi D.Abdug‘apparova hamda Xalq deputatlari O‘rta Chirchiq tuman Kengashi kotibiyati mudiri B.Baxovadinovlar tumandagi "Adolat" mahalla fuqarolar yig‘inida bo‘lib, mahalla yettiligining faoliyatini yaqindan o‘rgandilar.

🖇Ishchi guruh tomonidan mahalla raisi, hokim yordamchisi, xotin-qizlar faoli, yoshlar yetakchisi, profilaktika inspektori, soliq xodimi hamda ijtimoiy xodimdan iborat yettilikning o‘zaro hamkorligi va joriy yildagi ish samaradorligi atroflicha ko‘rib chiqildi.

❗️O‘rganish davomida asosiy e’tibor mahallada aholi tomorqalaridan samarali foydalanish, xonadonlar drayverlarini aniqlash va oilaviy tadbirkorlikni rivojlantirish borasida hokim yordamchisi tomonidan amalga oshirilayotgan ishlar, "Ayollar daftari", "Yoshlar daftari" va "Temir daftar" loyihalari doirasida fuqarolarga ko‘rsatilayotgan amaliy yordamlar, hududda jinoyatchilikning oldini olish, osoyishtalikni ta’minlash hamda oilaviy nizolarni barvaqt aniqlash bo‘yicha yettilikning birgalikdagi harakatlari.

📌O‘rganish yakunida "Adolat" MFY yettiligi tomonidan amalga oshirilgan ijobiy ishlar e’tirof etilgan holda, kam ta’minlangan oilalarni kambag‘allikdan chiqarish, ishsiz fuqarolar bandligini ta’minlash va hududni ijtimoiy-iqtisodiy rivojlantirish bo‘yicha muhim vazifalar belgilab olindi.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube