Yig‘ilishda Xalq deputatlari Termiz shahar Kengashi kotibiyati mudiri A.Ashurov hamda kotibiyat xodimlari ishtirok etdilar.

💬Dastlab, Kengash deputatlarining o‘tgan hafta mobaynida o‘z saylov okruglarida amalga oshirgan ishlari, "mahalla yettiligi" bilan o‘tkazgan nazorat-tahlil tadbirlari, fuqarolardan kelib tushgan murojaatlar hamda ijro organlariga yuborilgan deputatlik so‘rovlari tahlil qilindi.

💬Deputatlarning hududlarda ko‘targan muammolari, qonun hujjatlari ijrosini o‘rganish natijalari hamda aholi bilan o‘tkazilgan muloqotlari tanqidiy-tahliliy ruhda muhokama etildi.

💬Shundan so‘ng, shahar Kengashining navbatdagi sessiyasiga kiritilishi rejalashtirilgan masalalar bo‘yicha atroflicha muhokamalar olib borildi. Xususan:

🟢Kun tartibidagi har bir masala;
🟢Ijro organlari rahbarlarining hisobotlari;
🟢Sessiyaga qadar doimiy komissiyalarda ko‘rib chiqilishi lozim bo‘lgan masalalar bo‘yicha vazifalar belgilab olindi.

💬"Har bir deputat faoliyati — shahar rivoji uchun qo‘yilgan qadamdir. Bizning maqsadimiz — sessiyaga kiritiladigan har bir masalani chuqur o‘rganilgan, aholini qiynayotgan muammolarga yechim bo‘la oladigan darajada puxta tayyorlashdir," — deya ta'kidladi kotibiyat mudiri A.Ashurov.

🫥Yig‘ilish yakunida mutaxassislarga deputatlarning saylovchilar bilan ishlash tizimini yanada kuchaytirish, murojaatlarni ijrosini ta’minlash hamda sessiya jarayonlarini yuqori saviyada tashkil etish bo‘yicha aniq ko‘rsatmalar berildi.