Deputatlar nazorati (yoki deputatlik nazorati) — xalq vakillari tomonidan davlat organlari va mansabdor shaxslar faoliyatining qonuniyligini kuzatish, qabul qilingan qarorlar va dasturlarning ijrosini ta’minlash mexanismidir. U qonunlarning ijrosini nazorat qilish, muammolarni aniqlash va ularga tezkor yechim topishga qaratilgan.

“Adolat” SDP a’zosi, Xalq deputatlari Mirzo Ulug‘bek tumani Kengashi deputati Elmurod Amirov hamkorlikda ish olib borish uchun o‘ziga biriktirilgan tashkilotga bordi.

Tashrifda tuman hokimligi Uy-joy kommunal xizmat ko‘rsatish bo‘limi tomonidan aholiga sifatli kommunal xizmat ko‘rsatish hamda kuz-qish mavsumiga tayyorgarlik ko‘rish bo‘yicha qilinayotgan ishlar bilan yaqindan tanishdi. Murojaat qilgan fuqarolar bo‘yicha ma’lumotlarni ko‘chama-ko‘cha yurish daftariga qayd etdi.

Uchrashuvda mutasaddi tashkilot vakillari deputatni amalga oshirilayotgan chora-tadbirlar bilan tanishtirib, aholiga sifatli kommunal xizmat yuzasidan amalga oshiriladigan kelgusi rejalarini taqdim etishdi.

O‘tkazilgan o‘zaro o‘rganish va suhbatlar jarayonida hamkorlikda olib boriladigan ishlarni davom ettirish hamda mavjud muammolar yechimi yuzasidan takliflar kiritib borilishi ta’kidlandi.

Ushbu o‘rganish tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Jamoliddin Kuchkarov ham ishtirok etdi.