FERMERLIK FAOLIYATIGA OID QONUNCHILIK MAZMUN-MOHIYATI TUSHUNTIRILDI

Xalq deputatlari Quva tuman Kengashi deputati M. Akramov tomonidan tuman
Kengashi doimiy komissiyalari faoliyati doirasida o‘ziga biriktirilgan tuman
Qishloq xo‘jaligi bo‘limida muassasa xodimlari ishtirokida huquqiy targ‘ibot
tadbiri o‘tkazildi. Tadbirda Xalq deputatlari Quva tuman Kengashi deputati A.
Mo‘minov hamda tuman Kengashi huzuridagi Yoshlar guruhi a’zosi J.
Abdurashidov ishtirok etdi.

Tadbir davomida O‘zbekiston Respublikasining 2004-yil 26-avgustdagi “Fermer
xo‘jaligi to‘g‘risida” Qonuniga o‘zgartish va qo‘shimchalar kiritish haqida”gi
O‘RQ - 662-II-son Qonunning mazmun-mohiyati, fermer xo‘jaliklari faoliyatini
yanada takomillashtirish, yer resurslaridan samarali foydalanish, sohadagi
huquq va majburiyatlar hamda amaldagi qonunchilik talablari yuzasidan
ishtirokchilarga batafsil tushunchalar berildi.

Shuningdek, tadbirda qonun hujjatlariga so‘zsiz rioya etish, huquqiy
madaniyatni yuksaltirish va sohadagi islohotlarning mazmun-mohiyatini keng
jamoatchilikka yetkazish muhimligi ta’kidlandi. Tadbir yakunida
ishtirokchilarning savollariga javoblar berilib, huquqiy targ‘ibot ishlarini
yanada kuchaytirish bo‘yicha tegishli tavsiyalar bildirildi.