Deputatlarga biriktirilgan tashkilot faoliyati o‘rganildi

Xalq deputatlari Termiz tuman Kengashi deputatlari G. Shafoatova hamda K. Abdullayeva tomonidan deputatlarga biriktirilgan tashkilotlar faoliyatini o‘rganish maqsadida Termiz tuman Sanitariya-epidemiologik osoyishtalik markazida o‘rganish ishlari olib borildi.

O‘rganish davomida markaz faoliyati, aholining sanitariya-epidemiologik osoyishtaligini ta’minlash borasida amalga oshirilayotgan ishlar, profilaktik tadbirlar hamda sohaga oid dolzarb masalalar yuzasidan mutaxassislar bilan muloqot qilindi.

Shuningdek, O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni (Qonunchilik palatasi tomonidan 2015-yil 15-iyulda qabul qilingan, Senat tomonidan 2015-yil 6-avgustda ma’qullangan) ijrosi yuzasidan savol-javoblar o‘tkazilib, qonun normalarining amaliyotdagi qo‘llanilishi, sanitariya talablari hamda epidemiologik xavfsizlikni ta’minlash bo‘yicha olib borilayotgan ishlar muhokama qilindi.

O‘rganish yakunida aniqlangan masalalar yuzasidan tegishli tavsiyalar berilib, qonun hujjatlari ijrosini samarali tashkil etish va aholining sanitariya-epidemiologik osoyishtaligini ta’minlash bo‘yicha ishlarni izchil davom ettirish zarurligi ta’kidlandi.