Davlat soliq inspeksiyasi faoliyati o‘rganildi

Xalq deputatlari Termiz tuman Kengashi deputati G. Shafoatova tomonidan tuman Kengashining navbatdagi sessiyasiga kiritiladigan masala yuzasidan Termiz tuman davlat soliq inspeksiyasi faoliyati joyiga chiqib o‘rganildi.
O‘rganish davomida inspeksiyada soliq ma’murchiligini takomillashtirish, soliq to‘lovchilarga ko‘rsatilayotgan davlat xizmatlari sifati, murojaatlar bilan ishlash hamda amaldagi qonunchilik hujjatlarining ijrosi yuzasidan atroflicha tanishildi.

Shuningdek, O‘zbekiston Respublikasining “Davlat soliq xizmati to‘g‘risida”gi 1997-yil 29-avgustdagi 474-I-son Qonuni mazmun-mohiyati bo‘yicha inspeksiya xodimlari bilan savol-javob tarzida muloqot o‘tkazildi. Unda qonun talablarining amaliyotdagi ijrosi, xodimlarning huquq va majburiyatlari, fuqarolar hamda tadbirkorlik subyektlariga sifatli va samarali xizmat ko‘rsatish masalalari muhokama qilindi.

O‘rganish yakunida qonunchilik hujjatlari ijrosini yanada samarali tashkil etish, soliq ma’murchiligini takomillashtirish hamda aholiga ko‘rsatilayotgan xizmatlar sifatini oshirish yuzasidan tegishli tavsiya va takliflar bildirildi.