Mahalla yettiligi faoliyati va ijtimoiy qonunchilik ijrosi deputatlik nazoratida

Xalq deputatlari Termiz tuman Kengashi raisi S.Nazarov hamda Kengash kotibiyati mudiri A.Avliyokulov tomonidan “Yangihayot” mahalla fuqarolar yig‘inida o‘rganish ishlari olib borildi.

O‘rganish davomida asosiy e’tibor joriy yilgi ish rejalari ijrosi, mahalladagi ijtimoiy muhit hamda “Yangi hayot mahalla yettiligi” (mahalla raisi, hokim yordamchisi, xotin-qizlar faoli, yoshlar yetakchisi, profilaktika inspektori, soliq inspektori va ijtimoiy xodim)ning o‘zaro hamkorlikdagi faoliyati samaradorligiga qaratildi.

Shuningdek, o‘rganish jarayonida O‘zbekiston Respublikasining “Keksalar, nogironligi boʻlgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar toʻgʻrisida”gi Qonuni ijrosi mahallada qay darajada ta’minlanayotgani tahlil qilindi. Qayd etish joizki, mazkur muhim qonun hujjati Oliy Majlis Qonunchilik palatasi tomonidan 2016-yil 6-oktabrda qabul qilingan va Senat tomonidan 2016-yil 12-oktabrda maʼqullangan bo‘lib, bugungi kunda aholining ijtimoiy himoyaga muhtoj qatlamini qo‘llab-quvvatlashda huquqiy asos bo‘lib xizmat qilmoqda.

Kengash raisi S.Nazarov mahalla yettiligiga hududdagi keksalar, yolg‘iz keksalar va nogironligi bo‘lgan shaxslarni doimiy yo‘qlash, ularga ijtimoiy xizmatlar ko‘rsatish sifatini oshirish hamda qonun talablarini qat’iy bajarish yuzasidan aniq tavsiya va topshiriqlar berdi. Tuman Kengashi tomonidan joylardagi o‘rganishlar davom etmoqda.