Xalq deputatlari Uchquduq tuman Kengashi kotibiyat bosh mutaxassisi M.Muhammadiyev tomonidan Yo‘lchilar ovul fuqarolar yig‘inida ichki ko‘cha yo‘llari hamda avtomobil yo‘llarining bugungi holati joyiga chiqib o‘rganildi.

O‘rganish davomida ovul hududida yo‘l infratuzilmasini yaxshilash, aholining xavfsiz va qulay harakatlanishini ta’minlash maqsadida amalga oshirilayotgan ishlar ko‘zdan kechirildi. Xususan, “Yangi O‘zbekiston qiyofasidagi mahalla” maqomi berilgan hududda “Taraqqiyot va yetakchilik maskani” dasturi doirasida ichki ko‘chalarda olib borilayotgan qurilish, asfaltlashtirish va obodonlashtirish ishlari bilan tanishildi.

Shuningdek, bajarilayotgan ishlarning sifati, belgilangan muddatlarga rioya etilishi hamda loyiha asosida amalga oshirilishi yuzasidan monitoring olib borildi. Mas’ul tashkilotlarga tegishli tavsiya va takliflar berildi hamda ishlarning sifatli va o‘z vaqtida yakunlanishi yuzasidan deputatlik nazorati davom ettirilishi belgilandi.

✅ Xalq deputatlari Uchquduq tuman Kengashi tomonidan hududlarda amalga oshirilayotgan bunyodkorlik va infratuzilma loyihalari ustidan jamoatchilik hamda deputatlik nazorati izchil davom ettirilmoqda.