Xalq deputatlari Bag‘dod tumani Kengashining "22-Bag‘dod" saylov okrugi deputati O.Maxmudov tomonidan navbatdagi sessiya kun tartibiga kiritilgan “Bag‘dod tumanini 2026-yilda ijtimoiy-iqtisodiy rivojlantirish dasturlari ijrosi yuzasidan tuman hokimining hisoboti” masalasi doirasida "Bag‘dod" mahalla fuqarolar yig‘inida amalga oshirilayotgan loyihalar joyiga chiqib o‘rganildi.

🔎 Monitoring davomida mazkur mahalla bo‘yicha 2026-yilgi ijtimoiy-iqtisodiy rivojlantirish dasturiga 16 ta loyiha kiritilgani, shundan 9 tasi to‘liq yakunlanib, foydalanishga topshirilgani aniqlandi. Amalga oshirilayotgan hamda yakunlangan loyihalarning bugungi holati, ularning iqtisodiy va ijtimoiy samaradorligi atroflicha tahlil qilindi.

🐄 Xususan, Abdullayev Abbosbek Abduxalilovich tomonidan amalga oshirilgan chorvachilik kompleksini rivojlantirish loyihasi joyida ko‘zdan kechirildi. Mazkur loyiha mahallada chorvachilikni rivojlantirish, ishlab chiqarish hajmini oshirish hamda yangi ish o‘rinlarini yaratishga xizmat qilayotgani qayd etildi.

🏪 Shuningdek, Turdiyev Iqboljon Sharifjonovich tomonidan tashkil etilgan savdo do‘koni va o‘quv markazi faoliyati bilan tanishildi. Ushbu loyiha aholiga zamonaviy xizmatlar ko‘rsatish bilan birga, yoshlarni kasb-hunarga o‘qitish va ularning bandligini ta’minlashda muhim ahamiyat kasb etayotgani ta’kidlandi.

📋 O‘rganish yakunida dastur doirasidagi qolgan loyihalarni belgilangan muddatlarda sifatli yakunlash, ularning amaliy natijadorligini oshirish hamda yangi ish o‘rinlarini yaratishga qaratilgan ishlarni izchil davom ettirish yuzasidan tegishli tavsiyalar bildirildi.