Deputatlar mahalladagi Qirg‘oqbo‘yi ko‘chasida bo‘lib, aholi xavfsizligi va turmush sharoitiga salbiy ta’sir ko‘rsatayotgan quyidagi kamchiliklarni aniqladi:

🟢Eskirgan elektr simyog‘och: Ko‘chada yangi temir-beton elektr tayanchlari (ustunlari) o‘rnatilgan bo‘lsa-da, ichki yo‘l yoqasida eskirgan eski simyog‘och olib tashlanmasdan qolib ketgan. Yangi elektr tarmog‘i ushbu eski simyog‘ochga ulab ketilgan bo‘lib, avtomobillar harakatlanishiga halaqit bermoqda.

🟢Ta’mirtalab ichki yo‘l: Ko‘chaning ma’lum bir qismi ta’mirtalab ahvolda bo‘lib, avtotransport vositalari hamda piyodalarning erkin harakatlanishi uchun noqulayliklar tug‘dirmoqda.

💬Aniqlangan ushbu kamchiliklarni bartaraf etish, eski simyog‘ochni xavfsiz demontaj qilib, tarmoqni to‘liq yangi tizimga o‘tkazish hamda ichki yo‘lning ta’mirtalab qismini tartibga keltirish maqsadida shahardagi tegishli mutasaddi tashkilotlarga deputatlik so‘rovlari yuborilishi belgilab olindi.

💬"Yangi elektr ustunlari o‘rnatilgach, eski xavfli simyog‘ochlarni qoldirib ketish va ularga yangi tarmoqni ulab ketish mutlaqo qabul qilib bo‘lmas holatdir. Aholimiz, ayniqsa, yosh bolalarimizning xavfsizligi biz uchun birinchi darajali masaladir. Ushbu muammolar to‘liq bartaraf etilmaguncha qat’iy nazoratimiz ostida bo‘ladi," — deya ta'kidlashdi xalq vakillari.

🫥Aholi xavfsizligi va hududlar infratuzilmasini yaxshilash yo‘lidagi amaliy o‘rganishlar davom etadi!