Xalq deputatlari Parkent tuman Kengashiga 5-Changi saylov okrugidan saylangan deputat Mahkamova Feruza Sa’diyevna tomonidan deputatlik nazorati doirasida Parkent tuman sport maktabida o‘rganish ishlari
olib borildi.O‘rganish davomida sport maktabida, xususan, suzish yo‘nalishida olib borilayotgan mashg‘ulotlar kuzatildi, murabbiylar hamda sport bilan shug‘ullanayotgan bolalarning ota-onalari bilan suhbatlashildi.
Shuningdek, sport anjomlari, to‘garaklar faoliyati va mashg‘ulotlar uchun yaratilgan sharoitlar ko‘zdan kechirildi.Deputat tomonidan sport maktabi mas’ullariga mavjud imkoniyatlardan samarali foydalanish, sport infratuzilmasini yanada takomillashtirish hamda yoshlarning sportga bo‘lgan qiziqishini oshirish yuzasidan tavsiyalar berildi.Xalq deputatlari Parkent tuman Kengashi tomonidan aholining, ayniqsa yoshlar va bolalarning sport bilan muntazam shug‘ullanishi uchun yaratilgan sharoitlarni o‘rganish va bu boradagi masalalar yuzasidan deputatlik nazorati izchil davom ettiriladi.