Xalq deputatlari Parkent tuman Kengashi deputati, doimiy komissiya raisi Mahmudova Baxtinisa Zuxriddinovna tomonidan o‘zi saylangan “Gulbog‘” mahalla fuqarolar yig‘inida deputatlik nazorati doirasida o‘rganish ishlari olib borildi.O‘rganish davomida mahalla yoshlar yetakchisi B.Shoyo‘ldashevaning faoliyati, xususan, “Yoshlar daftari”ga kiritilgan yoshlarni qo‘llab-quvvatlash, ularning bandligini ta’minlash hamda ijtimoiy muammolarini hal etish borasida amalga oshirilayotgan ishlar tahlil qilindi.Ma’lum qilinishicha, 2 nafar yoshga o‘z tadbirkorlik faoliyatini yo‘lga qo‘yish maqsadida imtiyozli kredit ajratilgan. Shuningdek, ijtimoiy-profilaktik xulosa asosida nazoratga olingan 16 nafar yosh bilan individual ishlash yo‘lga qo‘yilib, ularning muammolarini bartaraf etish yuzasidan manzilli choralar ko‘rilmoqda.Bundan tashqari, yoshlarning harbiy-vatanparvarlik ruhini yuksaltirish hamda ularni qo‘llab-quvvatlash maqsadida 1 nafar yosh safarbarlik chaqiruvi rezervidagi xizmatni bepul o‘tashi uchun belgilangan tartibda yo‘naltirilgan. Shuningdek, 6 nafar yoshni kasb-hunarga o‘qitishga yo‘naltirish bo‘yicha tegishli yo‘llanmalar berilgani qayd etildi.O‘rganish yakunida yoshlar bilan ishlash samaradorligini yanada oshirish, ularning bandligini ta’minlash, bo‘sh vaqtini mazmunli tashkil etish hamda aniqlangan masalalarni tizimli hal etish yuzasidan mas’ullarga tegishli tavsiyalar berildi. Mazkur masalalar deputatlik nazorati daftariga kiritilib, ijrosi yuzasidan nazorat o‘rnatilishi belgilandi.