Xalq deputatlari Parkent tumani Kengashiga 4-Bo‘ston saylov okrugidan saylangan deputat Usipxodjayev Yerlan Ormanovich tomonidan “Dolzarb 90 kun” dasturi ijrosi yuzasidan deputatlik nazorati tadbiri amalga oshirildi.Nazorat tadbiri doirasida deputat o‘zi saylangan hududda joylashgan 33-son umumiy o‘rta ta’lim maktabida bo‘lib, yozgi ta’til davrida o‘quvchi-yoshlarning bo‘sh vaqtini mazmunli tashkil etish, ularni sport, madaniyat, san’at, kitobxonlik hamda turli to‘garaklarga keng jalb etish bo‘yicha amalga oshirilayotgan ishlar bilan tanishdi.O‘rganish jarayonida maktabda tashkil etilgan to‘garaklar faoliyati, yoshlar ishtiroki, yaratilgan shart-sharoitlar hamda dastur doirasidagi tadbirlarning samaradorligi yuzasidan mas’ullarning axborotlari tinglanib, mavjud holat joyida ko‘zdan kechirildi. Shuningdek, aniqlangan ayrim kamchiliklarni bartaraf etish va tadbirlar samaradorligini yanada oshirish yuzasidan tegishli tavsiya va takliflar bildirildi.Deputatlik nazorati yakunlari “Dolzarb 90 kun” dasturi ijrosini yanada samarali tashkil etish, yoshlar uchun yaratilayotgan imkoniyatlarni kengaytirish hamda bu yo‘nalishdagi dolzarb masalalarni Xalq deputatlari Parkent tumani Kengashining navbatdagi sessiyasida atroflicha muhokama qilish uchun asos bo‘lib xizmat qiladi.