Xalq deputatlari Parkent tuman Kengashiga 6-Quyosh saylov okrugidan saylangan deputat Salimboyev Xasan Dilmurodovich tomonidan deputatlik nazorati doirasida “Kichikqo‘rg‘on” mahalla fuqarolar yig‘inida faoliyat yuritayotgan ijtimoiy xodimning ish faoliyati hamda aholining ijtimoiy ehtiyojmand toifalariga ko‘rsatilayotgan xizmatlar sifati o‘rganildi.Nazorat tadbiri davomida deputat mahalladagi ijtimoiy xodim Narimonov Elshodbek Zamon o‘g‘lining faoliyati bilan yaqindan tanishib, yolg‘iz yashovchi keksalar, nogironligi bo‘lgan shaxslar, kam ta’minlangan va boshqa ehtiyojmand fuqarolarga ko‘rsatilayotgan ijtimoiy xizmatlarning manzilliligi, samaradorligi hamda amaldagi qonunchilik talablariga muvofiqligini tahlil qildi.O‘rganish davomida joriy yil mobaynida 15 ta ehtiyojmand xonadonga oziq-ovqat mahsulotlari, 1 ta xonadonga kiyim-kechak yetkazib berilgani, shuningdek, 7 nafar fuqaroga tabiiy gaz va elektr energiyasi xarajatlarini qoplash uchun kompensatsiya ajratilgani ma’lum qilindi.Shuningdek, mahallada 83 nafar nogironligi bo‘lgan fuqaro, 15 nafar alohida ijtimoiy ko‘makka muhtoj shaxs, 3 ta kambag‘allik chegarasidagi hamda 48 ta kambag‘al oila mavjudligi qayd etilib, ular bilan olib borilayotgan individual ijtimoiy ishlar holati ham ko‘rib chiqildi.Bundan tashqari, joriy yil davomida 2 nafar fuqaroga davolanish uchun tavsiyanomalar rasmiylashtirilgani, 8 nafar fuqaro protez-ortopediya moslamalari hamda reabilitatsiyaning texnik vositalari bilan ta’minlangani, shuningdek, 3 nafar nogironligi bo‘lgan mehnatga layoqatli fuqaroning doimiy ish bilan bandligi ta’minlangani alohida e’tirof etildi.O‘rganish yakunida ijtimoiy xodim tomonidan faoliyat davomida uchrayotgan muammolar va mavjud ehtiyojlar yuzasidan takliflar bildirildi.Deputat tomonidan ushbu masalalar atroflicha tahlil qilinib tegishli davlat organlari va mutasaddi tashkilotlar bilan hamkorlikda amaliy choralar ko‘rish hamda ijrosini deputatlik nazoratida ushlab borish belgilab olindi.