#sessiya #poytaxtdeputatlari #deputatlik_faoliyati

❗️Xalq deputatlari Toshkent shahar Kengashi deputatlari Yashnobod tumani Kengashining 36-sessiyasida faol ishtirok etdilar

🏛 Xalq deputatlari Toshkent shahar Kengashi deputatlari Yashnobod tumani Kengashining 36-sessiyasi ishida faol ishtirok etib, kun tartibiga kiritilgan dolzarb masalalarni atroflicha muhokama qildilar.

📝 Sessiya davomida O‘zbekiston Respublikasi Prezidentining 2026-yil 5-yanvardagi “2026-yilda Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ–1-son qarorining 2026-yil ikkinchi choragi yakunlari bo‘yicha tumandagi ijrosi muhokama qilindi.

🔎 Mazkur masala yuzasidan Yashnobod tumani Ichki ishlar organlari faoliyatini muvofiqlashtirish boshqarmasi boshlig‘i Sh.A. Miliyev hisobot berib, tumanda jinoyatchilikning oldini olish, jamoat xavfsizligini ta’minlash hamda huquqbuzarliklarni barvaqt aniqlash va bartaraf etish borasida amalga oshirilayotgan ishlar haqida axborot taqdim etdi.

💡 Shuningdek, sessiyada Yashnobod tumani iqtisodiyot va moliya bo‘limi boshlig‘ining birinchi o‘rinbosari A.X. Nazarov tomonidan tumanning mahalliy budjeti daromadlari bazasini kengaytirish, soliqqa tortish bazasini mustahkamlash hamda 2025-yil olti oy davomida ushbu yo‘nalishda erishilgan natijalar yuzasidan hisobot tinglandi.

📉 Muhokamalar davomida Toshkent shahar Kengashi deputatlari taqdim etilgan hisobotlar yuzasidan o‘z fikr va takliflarini bildirib, hududlarda xavfsiz muhitni mustahkamlash, jinoyatchilikning oldini olish, shuningdek, mahalliy budjet daromadlarini oshirish bo‘yicha amalga oshirilayotgan ishlar samaradorligini yanada kuchaytirishga qaratilgan qator tavsiyalarni ilgari surdilar.

🔺 Sessiya yakunida kun tartibidagi masalalar yuzasidan tegishli qarorlar qabul qilinib, mas’ul tashkilotlar oldiga aniq vazifalar belgilandi.

📱 Telegram 📱 Instagram 📱 Facebook 📱 YouTube 🔎 E-kengash